యువదర్శకుడు తీపిరెడ్డి మహిపాల్ రెడ్డి తొలి ప్రయత్నం ‘పోస్టర్’ సినిమా ప్రముఖ ఓటిటి “ఆహా”లో మంచి వ్యూస్ దక్కించుకునే దిశగా దూసుకుపోతోంది. ఏప్రిల్ 28 నుంచి ప్రసారమవుతున్న ఈ చిత్రానికి “ఆహా” ప్రేక్షకులు బ్రహ్మరథం పడుతున్నారు. సినిమాల్లో “పోస్టర్” అనే పదానికి ఎంత ప్రాముఖ్యత ఉందో ప్రత్యేకించి చెప్పాల్సిన అవసరం లేదు. అలాంటి క్యాచి టైటిల్‌తో శ్రీసాయి పుష్ప క్రియేషన్స్ బ్యానర్ పై మహిపాల్ రెడ్డితో కలసి టి.శేఖర్ రెడ్డి – ఐ.జి.రెడ్డి – ఎ.గంగారెడ్డి సంయుక్తంగా నిర్మించిన ఈ చిత్రంలో విజయ్‌ ధరన్‌, రాశిసింగ్‌, అక్షత సోనావానే హీరోహీరోయిన్లుగా నటించారు. విలేజ్‌ బ్యాక్‌డ్రాప్‌లో ఆద్యంతం ఆసక్తిగా సాగే ఈ చిత్రం మహిపాల్ రెడ్డి దర్శకత్వ ప్రతిభకు అద్దం పడుతుంది!!
