1924లో అమెరికాలో ‘నేషనల్ స్పెల్లింగ్ బీ’ ప్రారంభమైంది. అయితే, గత కొన్ని సంవత్సరాలుగా ఈ పోటీల్లో భారత సంతతి విద్యార్థులే ముందు వరుసలో నిలుస్తున్నారు. ఎనిమిదవ తరగతి లోపు విద్యార్థులు అందరూ ఈ పోటీల్లో పాల్గొనవచ్చు. పోటీల్లో అడిగే కఠినమైన ఆంగ్ల పదాల అక్షర క్రమాన్ని సరిగ్గా చెప్పే వారు విజేతలు అవుతారు.
అమెరికాలో జరిగిన నేషనల్ స్పెల్లింగ్ బీ పోటీలో విజేతగా ఓ భారత సంతతి టీనేజర్ 14 ఏళ్ల దేవ్ షా విజేతగా నిలిచాడు. PSAMMOPHILE (శామాఫైల్) అనే పదానికి స్పెల్లింగ్ చెప్పిన దేవ్.. 50వేల డాలర్ల ఫైజ్ మనీ గెలుచుకున్నాడు.ప్రపంచవ్యాప్తంగా జరిగే ఈ పోటీలో ఈమారు మొత్తం 11 లక్షల మంది పాల్గొన్నారు. తుది దశకు చేరుకున్న 11 మందిలో దేవ్ షా కూడా ఒకరు. శామాఫైల్ అంటే ఇసుక నేలల్లో కనిపించే జీవి లేదా మొక్క. ఈ విజయాన్ని నమ్మలేకపోతున్నానని దేవ్ చెప్పాడు. ఈ పోటీ కోసం తన కుమారుడు నాలుగేళ్లుగా ప్రిపేర్ అయినట్లు దేవ్ తల్లి తెలిపారు.
