అమెరికాలోని న్యూజెర్సీలో ఎన్టీ రామారావు శతజయంతి ఉత్సవాలు ఘనంగా జరిగాయి. ఈ శతజయంతి వేడుకలకు ముఖ్య అతిధులుగా పార్లమెంట్ సభ్యులు రఘురామకృష్ణం రాజు, రాజ్యసభ సభ్యులు కనకమేడల రవీంద్రకుమార్, టీడీపీ పొలిట్ బ్యూరో సభ్యులు టి.డి జనార్దన్, తెలుగుదేశం పార్టీ రాష్ట్రకార్య నిర్వాహక కార్యదర్శి, ఎన్టీఆర్ ట్రస్ట్ డైరెక్టర్ మన్నవ మోహనకృష్ణ, గుంటూరు జిల్లా పరిషత్ మాజీ చైర్మన్, బీజేపీ నాయకులు పాతూరి నాగభూషణం, ఏపీఎన్నార్టీ మాజీ చైర్మన్ వేమూరి రవికుమార్ తదితరులు పాల్గొన్నారు. ఈ కార్యక్రమానికి పెద్దఎత్తున్న ప్రవాసాంధ్రులు పాల్గొన్నారు. NTR చిత్రపటానికి పూలమాలలు వేసి ఘన నివాళులు అర్పించారు.
మహానటుడిగా, మహానాయకుడిగా ఎన్టీఆర్ సాధించిన విజయాలు, చేసిన సేవలు చిరస్మరణీయం అన్నారు. ఆత్మగౌరవం నినాదంతో తెలుగు వారి అభివృద్ధికి, అభ్యున్నతికి ఎంతో కృషి చేశారు. ప్రస్తుత ప్రభుత్వం చేస్తున్న ప్రజావ్యతిరేక చర్యలను ఖండిస్తూ తెదేపా ప్రభుత్వం కోసం ఎన్నారైలందరు నడుంబిగించాలని పిలుపునిచ్చారు. మన్నవ మోహనకృష్ణ సారథ్యంలో జరిగిన ఈ ఎన్టీఆర్ శతజయంతి వేడుకలను వెనిగళ్ల మోహన్ కుమార్, నల్లమల్ల రాధాకృష్ణ, వెనిగళ్ల వంశీ నిర్వహించారు.
