చంద్రబాబు అక్రమ అరెస్ట్ ను ఖండిస్తూ అమెరికాలోని ఫ్లోరిడా రాష్ట్రం ఓర్లాండో నగరంలో ప్రవాసాంధ్రుల ఆధ్వర్యంలో పెద్దఎత్తున నిరసన కార్యక్రమం చేపట్టారు. ఈ కార్యక్రమాన్ని ఈశ్వర్ కనుమూరి, రవి రావి, వేణు సింగు సమన్వయపరిచారు. ఈ సందర్భంగా పార్టీ జెండాలు, ఐయామ్ విత్ సీబీన్ పేరుతో ప్లకార్డులు ప్రదర్శిస్తూ ప్రభుత్వానికి వ్యతిరేకంగా నినాదాలు చేశారు. చంద్రబాబుకు మద్దతుగా తమ సంఘీభావం ప్రకటించారు. రాష్ట్రంలో అప్రజాస్వామిక పాలన సాగుతోందని, వచ్చే ఎన్నికల్లో ప్రభుత్వానికి తగిన బుద్ధి చెప్పేందుకు ప్రవాసాంధ్రులు తగిన కృషిచేయాలని పిలుపునిచ్చారు. అవినీతి అంతానికి న్యాయం గెలవాలని ఆకాంక్షించారు. ఈ కార్యక్రమంలో శేషు ఆచంట, వినోద్, మురళీ రావి, గోపాల శివ వేళివెల్లి, జరుగుల డాక్టర్ బాబు రావు, రాజేష్, రమేష్, సురేష్, రాజశేఖర్ తదితరులు పాల్గొన్నారు.
