కాఫీ విత్ ఎ కాప్ (Coffee with a Cop) కార్యక్రమాన్ని నాట్స్ డల్లాస్ చాప్టర్ ఆధ్వర్యంలో విజయవంతంగా నిర్వహించారు.
స్థానిక ఫ్రిస్కో మోనార్చ్ వ్యూ పార్క్లో జరిగిన ఈ కార్యక్రమంలో ఫ్రిస్కో పోలీస్ శాఖ నుండి ఆఫీసర్ గిబ్సన్, డిటెక్టివ్ చావెజ్ దొంగతనాలు, దోపిడీల బారిన పడకుండా వహించాల్సిన జాగ్రత్తలు, ఇళ్ళ వద్ద ఏర్పాటు చేసుకోవాల్సిన రక్షణ ఏర్పాట్లను వివరించారు. లైటింగ్ వ్యవస్థ ప్రాముఖ్యాన్ని వివరించారు. విలువైన నగలు, ఇతర వస్తువులను భద్రపరచటంలోనూ, వాటిని ధరించి బయటకు వెళ్ళేటప్పుడు తీసుకోవాల్సిన జాగ్రత్తలను వివరించారు. విద్యార్థులు కంప్యూటర్ వినియోగించేటప్పుడు, సైబర్ భద్రత విషయంలో, బుల్లియింగ్ నివారణ విషయాల్లో తీసుకోవాల్సిన జాగ్రత్తల గురించి వివరించారు.
నాట్స్ డల్లాస్ కార్యవర్గ సభ్యులు చాప్టర్ కో అర్డినెటర్స్ రవి తాండ్ర, సత్య శ్రీరామనేని, ఇతర సభ్యులు శ్రీధర్ న్యాలమాడుగుల, రవి తుపురాని, పార్థ బొత్స, శివ నాగిరెడ్డి, రవీంద్ర చుండూరు, గౌతమ్ కాసిరెడ్డి, నాట్స్ అధ్యక్షులు బాపు నూతి, బోర్డ్ ఆఫ్ డైరెక్టర్స్ రాజేంద్ర మాదాలలు పాల్గొన్నారు.
