తెలుగు అసోసియేషన్ ఆఫ్ గ్రేటర్ కాన్సాస్ సిటీ (TAGKC) ఆధ్వర్యంలో స్థానిక హిందు దేవాలయంలో బతుకమ్మ వేడుకలు ఘనంగా నిర్వహించారు. ఈ కార్యక్రమంలో పెద్దసంఖ్యలో తెలుగువారు పాల్గొన్నారు. పూజా కార్యక్రమాన్ని అర్చకులు శ్రీనివాసాచారి, TAGKC అధ్యక్షులు నరేంద్ర దూదేళ్ళ దంపతులతో కలిసి నిర్వహించారు. వ్యాఖ్యాతగా రేణుశ్రీ వ్యవహరించారు. మహిళలు రంగు రంగుల పూల బతుకమ్మలను తయారు చేసి ఈ సంబరాలలో పాల్గొన్నారు. తెలంగాణ జానపద బతుకమ్మ పాటలకు ఉత్సాహంగా నృత్యాలు చేశారు. Raffles గెలిచిన వారికి బహుమతులు అందజేశారు. అందంగా రూపొందించిన 8 బతుకమ్మలకు చీరలను బహుమతులుగా అందజేశారు. వేడుకల విజయవంతానికి సహకరించిన వారికి ఉపాధ్యక్షుడు చంద్ర యక్కలి, ట్రస్ట్ బోర్డు ఛైర్మన్ శ్రీధర్ అమిరెడ్డి, ఇతర కార్యవర్గ సభ్యులు ధన్యవాదాలు తెలిపారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
