మేషం
గురు, బుధ, శుక్ర, శనీశ్వరుడు అనుకూల సంచారం చేస్తున్న కారణంగా ఏ పని తలపెట్టినా సజావుగా, సంతృప్తికరంగా పూర్తయ్యే అవకాశం ఉంటుంది. ఉద్యోగంలో కాస్తంత ఒత్తిడి తగ్గు తుంది. అధికారులు అదనపు బాధ్యతలు అప్పగించడమో, లక్ష్యాలను పెంచడమో జరుగుతుంది. వృత్తి, వ్యాపారాల్లో క్షణం కూడా తీరిక లేని పరిస్థితి ఏర్పడుతుంది. ఆదాయం పరవాలేదనిపి స్తుంది. ఖర్చుల్ని అదుపు చేస్తారు. ఆహార, విహారాల్లో జాగ్రత్తలు పాటిస్తే ఆరోగ్యం కూడా అనుకూ లిస్తుంది. పలుకుబడి కలిగిన వ్యక్తులు పరిచయం అవుతారు. సేవా కార్యక్రమాల్లో గానీ, సహాయ కార్యక్రమాల్లో గానీ పాల్గొంటారు. కుటుంబ సభ్యులతో సరదాగా కాలక్షేపం చేస్తారు. హామీలు ఉండ వద్దు. విద్యార్థులకు సమయం అనుకూలంగా ఉంది. ప్రేమ వ్యవహారాల్లో ముందడుగు వేస్తారు.
వృషభం
గ్రహ సంచారం చాలావరకు అనుకూలంగా ఉంది. రాశ్యధిపతి శుక్రుడు నాలుగవ స్థానంలో బలంగా ఉన్నందువల్ల వ్యక్తిగత, కుటుంబ సమస్యల నుంచి చాలావరకు బయటపడే అవకాశం ఉంది. వృత్తి, ఉద్యోగాల్లో మీ శక్తి సామర్థ్యాలకు మంచి గుర్తింపు లభిస్తుంది. ఉద్యోగంలోనే కాక, కుటుంబపరంగా కూడా అదనపు బాధ్యతలు మీద పడవచ్చు. సంతానం నుంచి లేదా సతీమణి నుంచి శుభవార్తలు వింటారు. డాక్టర్లు, లాయర్లు, ఇంజనీర్లు పేరు తెచ్చుకుంటారు. నిరుద్యోగులు చిరుద్యోగంలో చేరాల్సి వస్తుంది. స్వల్ప అనారోగ్యానికి అవకాశం ఉంది. ఇతరుల వ్యవహారాల్లో తలదూర్చవద్దు. కుటుంబ పెద్దల జోక్యంతో ఆస్తి వివాదం ఒకటి అనుకోకుండా పరిష్కారం అవు తుంది. విద్యార్థులు తేలికగా విజయాలు సాధిస్తారు. ప్రేమ వ్యవహారాలు హ్యాపీగా సాగిపోతాయి.
మిథునం
గురు, బుధ గ్రహాలు చాలావరకు అనుకూలంగా ఉన్నాయి. ముఖ్యంగా రాశ్యధిపతి బుధుడు పంచమంలో రవితో కలిసి ఉండడం వల్ల ఏ పని లేదా ప్రయత్నం తలపెట్టినా విజయవంతం అవుతుంది. నిరుద్యోగులకు మంచి ఆఫర్లు అందుతాయి. వివాహ ప్రయత్నాలు సానుకూలపడతాయి. వృత్తి, ఉద్యోగాలు నిలకడగా ముందుకు సాగుతాయి. ప్రయాణాలలో అతి జాగ్రత్తగా ఉండడం మంచిది. డబ్బు గానీ, విలువైన వస్తువులు గానీ పోగొట్టుకునే అవకాశం ఉంది. రోడ్డు ప్రమాదాల విషయంలో కూడా జాగ్రత్తలు పాటించడం మంచిది. ఆదాయం బాగానే ఉంటుంది కానీ, ఖర్చులు మీదపడే సూచనలున్నాయి. ఉద్యోగం మారడానికి సమయం అనుకూలంగా ఉంది. విద్యార్థులు పోటీ పరీక్షల్లో కూడా ఉత్తీర్ణులవుతారు. ప్రేమ వ్యవహారాలు ఉత్సాహంగా సాగిపో తాయి.
కర్కాటకం
ప్రధాన గ్రహాలైన గురువు, శని, రాహువులు ప్రతికూలంగా ఉన్నందువల్ల వృత్తి, ఉద్యోగాలతో పాటు కుటుంబపరంగా కూడా బాగా ఒత్తిడి, శ్రమ ఉండే అవకాశం ఉంది. కొద్దిగా టెన్షన్లు పెరిగే అవకాశం ఉంది. ఓర్పు, సహనాలతో వ్యవహరించడం మంచిది. సాధారణ సమస్యలను కూడా భూతద్దంలో చూడడం సమంజసం కాదు. వృత్తి, వ్యాపారాలు నిలకడగా సాగిపోతాయి. ఆదాయం పరిస్థితి నిలకడగా ఉంటుంది. ఒకటి రెండు శుభవార్తలు వింటారు. పిల్లలు వృద్ధిలోకి వస్తారు. ఇప్పుడు తీసుకునే నిర్ణయాల వల్ల, చేసే ప్రయత్నాల వల్ల భవిష్యత్తులో కలిసి వచ్చే అవకాశం ఉంది. నిరుద్యోగులు శుభవార్త వినడం జరుగుతుంది. ఆరోగ్యం చాలావరకు పరవాలేదు. విద్యార్థులు బాగా కష్టపడాల్సి ఉంటుంది. ప్రేమ వ్యవహారాల్లో అపార్థాలు చోటు చేసుకునే అవకాశం ఉంది.
సింహం
గురు, శుక్రుల బలం బాగా ఉంది. ఈ రాశ్యధిపతి రవి బుధుడితో కలిసి ఉన్నందువల్ల బాగా అనుకూల ఫలితాలనిస్తాడు. మొత్తానికి ఇది అన్ని విధాలుగానూ కలిసి వచ్చే కాలం. సద్వినియోగం చేసుకోవడం మంచిది. ప్రతి చిన్న ప్రయత్నం అనుకూల ఫలితాలను ఇస్తుంది. అనుకున్న పనులు అనుకున్నట్టు పూర్తవుతాయి. ఆరోగ్యం చాలావరకు కుదుటపడుతుంది. దీర్ఘకాలిక అనారోగ్యాల నుంచి కూడా కోలుకునే సూచనలున్నాయి. వృత్తి, ఉద్యోగాలలో శుభ పరిణామాలు చోటు చేసుకుంటాయి. కుటుంబానికి సంబంధించిన ఒకటి రెండు సమస్యలు కొద్ది ప్రయత్నంతో పరిష్కారం అవుతాయి. ఆదాయం చాలావరకు ఆశాజనకంగా ఉంటుంది. విద్యార్థులు తేలికగా విజయాలు సాధిస్తారు. ప్రేమ వ్యవహారాల్లో ముందుకు దూసుకుపోతారు.
కన్య
ధన, కుటుంబ స్థానమైన తులా రాశిలో రాశ్యధిపతి బుధుడు ఉండడం వల్ల ఆర్థికంగా బాగా కలిసి వస్తుంది. ముఖ్యంగా వృత్తి, వ్యాపారాల్లో అంచనాలకు మించిన పురోగతి ఉంటుంది. ఉద్యోగంలో ఆదరణ పెరుగుతుంది. ప్రతిభకు, శ్రమకు తగిన గుర్తింపు లభిస్తుంది. ఆదాయం నిలకడగా ఉంటుంది. వైద్య ఖర్చులు పెరిగే సూచనలున్నాయి. విదేశాల్లో స్థిరపడిన పిల్లల నుంచి శుభ వార్తలు వినడం జరుగుతుంది. కుటుంబ సభ్యులతో అనుకోకుండా అపార్థాలు తలెత్తే అవకాశం ఉంది. ఆచితూచి వ్యవహరించడం మంచిది. బంధువుల్లో కొందరు అపనిందలు వేయడం జరుగు తుంది. ఇతరులకు మేలు జరిగే పనులు చేస్తారు. ఒకరిద్దరు స్నేహితులను ఆర్థికంగా ఆదుకుం టారు. విద్యార్థులు ఎంత కష్టపడితే అంత మంచిది. ప్రేమ వ్యవహారాలు మందకొడిగా ముందుకు వెడతాయి.
తుల
గురువు, బుధుడు, రాశ్యధిపతి శుక్రుడు అనుకూల సంచారం చేస్తున్నందువల్ల ముఖ్యమైన వ్యవహారాలు సకాలంలో పూర్తి కావడం, ఏ ప్రయత్నం తలపెట్టినా విజయవంతం కావడం వంటివి జరుగుతాయి. ముఖ్యమైన ప్రయత్నాలు సఫలం అవుతాయి. వృత్తి, ఉద్యోగాలపరంగానే కాక, కుటుంబపరంగా కూడా రోజు ప్రశాంతంగా గడిచిపోతుంది. వ్యాపారాల్లో లాభాలు కనిపిస్తాయి. అనవసర పరిచయాలకు దూరంగా ఉండడం మంచిది. విలాసాలు, వ్యసనాల మీద డబ్బు బాగా ఖర్చయ్యే అవకాశం ఉంది. మంచి వ్యక్తులు పరిచయం అవుతారు. సతీమణితో అన్యోన్యత పెరుగుతుంది. విహార యాత్రకు ప్లాన్ చేయడం జరుగుతుంది. ఆరోగ్యం నిలకడగా సాగిపోతుంది. విద్యార్థులు ఆశించిన స్థాయిలో పురోగతి చెందుతారు. ప్రేమ వ్యవహారాలు హ్యాపీగా సాగిపోతాయి.
వృశ్చికం
దశమ స్థానంలో ఉన్న శుక్రుడు తప్ప మరే గ్రహమూ అనుకూలంగా లేదు. ఈ వారం ఈ రాశివారికి మిశ్రమ ఫలితాలు అనుభవానికి వస్తాయి. ఆదాయం నిలకడగా ఉంటుంది కానీ, అనవసర ఖర్చులు, అనుకోని ఖర్చులు పెరిగే సూచనలు ఉన్నాయి. ఉద్యోగ జీవితంలో ఒత్తిడి, శ్రమ పెరిగే అవకాశం ఉంది. అదనపు బాధ్యతల వల్ల, సహచరులతో బాధ్యతలు పంచుకోవాల్సి రావడం వల్ల ఇబ్బంది పడడం జరుగుతుంది. పిల్లల నుంచి శుభవార్తలు వింటారు. కుటుంబ సమస్య ఒకటి అనుకోకుండా పరిష్కారం అవుతుంది. ప్రస్తుతానికి ఎవరికీ వాగ్దానాలు చేయడం, హామీలు ఉండడం మంచిది కాదు. అదనపు ఆదాయ ప్రయత్నాల మీద దృష్టి కేంద్రీకరించడం మంచిది. విద్యార్థులు బాగా కష్టపడాల్సి ఉంటుంది. ప్రేమ వ్యవహారాల్లో ఇబ్బందులు ఎదురవు తాయి.
ధనుస్సు
గురువు, శుక్రుడు, బుధుడు, రవి గ్రహాలు అనుకూలంగా ఉన్నందువల్ల కొన్ని ముఖ్యమైన ప్రయ త్నాల్లో విజయం సాధిస్తారు. కుటుంబ సమస్యలు పరిష్కార దిశగా సాగుతాయి. వృత్తి, వ్యాపా రాలు నిలకడగా ముందుకు సాగుతాయి. ఆదాయం పెరగడానికి అవకాశం ఉంది. ఇంటా బయటా కొద్దిగా ఒత్తిడి ఉండవచ్చు. ఉద్యోగంలోనే కాక, కుటుంబానికి సంబంధించి కూడా కొన్ని ముఖ్య మైన బాధ్యతలు పూర్తి చేస్తారు. బంధుమిత్రులతో సామరస్యం, సాన్నిహిత్యం బాగా పెరుగు తాయి. వ్యక్తిగత సమస్య నుంచి అనుకోకుండా విముక్తి లభిస్తుంది. ఆస్తి వివాదం పెద్దల జోక్యంతో పరిష్కారం అవుతుంది. మిత్రుల వల్ల డబ్బు నష్టపోయే సూచనలు కనిపిస్తున్నాయి. విద్యార్థులు ఘన విజయాలు సాధిస్తారు. ప్రేమ వ్యవహారాలు ఉత్సాహంగా ముందుకు సాగుతాయి.
మకరం
ధన, కుటుంబ స్థానాధిపతి, రాశ్యధిపతి అయిన శనీశ్వరుడు బలంగా ఉన్నందువల్ల కొన్ని శుభ పరిణామాలు చోటు చేసుకుంటాయి. ముఖ్యంగా కుటుంబానికి సంబంధించి ఆశించిన శుభవార్తలు వింటారు. ఉద్యోగ జీవితం సానుకూలంగా సాగిపోతుంది. ఆదాయ పరిస్థితి బాగా మెరుగ్గా ఉంటుంది. డబ్బు ఇవ్వాల్సినవారు తీసుకు వచ్చి ఇస్తారు. ఆరోగ్యం విషయంలో కొద్దిగా జాగ్రత్తలు పాటించడం మంచిది. వృత్తి, వ్యాపారాలు, సాఫీగా సాగిపోతాయి. వీటిల్లో సంపాదన పెరిగే అవ కాశం ఉంది. తల్లితండ్రుల్లో ఒకరి ఆరోగ్యం కొద్దిగా ఆందోళన కలిగిస్తుంది. స్నేహితుల సహాయంతో కొన్ని ముఖ్యమైన పనులు పూర్తి చేస్తారు. మనసులోని కోరిక ఒకటి నెరవేరుతుంది. విద్యార్థులు కొద్ది శ్రమతో ఉత్తమ ఫలితాలను పొందుతారు. ప్రేమ వ్యవహారాలు నిలకడగా ముందుకు సాగు తాయి.
కుంభం
సప్తమంలో శుక్రుడు, భాగ్య స్థానంలో రవి, బుధులు ఉన్నందువల్ల వారమంతా చాలావరకు సాఫీగా, హ్యాపీగా సాగిపోతుంది. తలపెట్టిన పనులు ప్రశాంతంగా పూర్తవుతాయి. అదనపు ఆదాయ ప్రయత్నాలు సానుకూలపడతాయి. ఆరోగ్యం నిలకడగానే ఉంటుంది కానీ, ఆహార, విహారాల్లో జాగ్రత్తగా ఉండడం మంచిది. తోబుట్టువులతో సరదాగా కాలక్షేపం చేస్తారు. ఉద్యోగం ఉత్సాహంగా, ఉల్లా సంగా సాగిపోతుంది. చిన్ననాటి స్నేహితులు కలుస్తారు. డాక్టర్లు, లాయర్లు, ఇంజనీర్లు తదితర వృత్తి నిపుణులకు సమయం అనుకూలంగా ఉంది. నిరుద్యోగులు మంచి ఉద్యోగంలో చేరే సూచన లున్నాయి. వ్యాపారాలు నిలకడగా ముందుకు సాగుతాయి. విద్యార్థులు మరింతగా శ్రద్ధ పెంచాల్సి ఉంటుంది. ప్రేమ వ్యవహారాలు చాలావరకు యాంత్రికంగా సాగిపోతాయి.
మీనం
రాశ్యధిపతి గురువు ద్వితీయ స్థానంలో ఉన్నందువల్ల అనుకున్న పనులు అనుకున్నట్టు పూర్త వుతాయి. ముఖ్యమైన ప్రయత్నాలు నెరవేరుతాయి. కొత్త ఉద్యోగం విషయంలో ఆశించిన సమా చారం అందుతుంది. అనుకోకుండా ఆదాయం పెరుగుతుంది. ముఖ్యమైన అవసరాలు తీరిపో తాయి. కుటుంబానికి సంబంధించి కొన్ని మంచి నిర్ణయాలు తీసుకుంటారు. ఆరోగ్యం నిలకడగా ఉంటుంది. కుటుంబంలో చిన్న చిన్న సమస్యలు తలెత్తే అవకాశం ఉంది. వాదోపవాదాలకు అవ కాశం ఇవ్వవద్దు. వృత్తి జీవితంలో సానుకూల మార్పులు చోటు చేసుకుంటాయి. వ్యాపారంలో కలిసి వస్తుంది. ఏ ప్రయత్నం ప్రారంభిస్తే అది నెరవేరుతుంది. ఆరోగ్యం బాగానే ఉంటుంది. విద్యా ర్థులు చదువుల్లోనూ, పోటీ పరీక్షల్లోనూ ఉత్తీర్ణతలు సాధిస్తారు. ప్రేమ వ్యవహారాలు ఊపందుకుంటాయి.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
