వాణి గుండ్లపల్లి (నో యువర్ రూట్స్, యూఎస్ఏ), దినేష్ కుమార్ (సంగమం అకాడమీ, ఇండియా) నేతృత్వంలో శివపదం గ్లోబల్ ఫ్యామిలీ భారతీయ శాస్త్రీయ నృత్యాల ప్రదర్శన బాలిలో ఘనంగా నిర్వహించారు. యూఎస్ఏలో పుట్టి పెరిగిన 45 మంది యువ నర్తకీ నర్తకులు, నృత్య విద్యార్థులు, గురువులు కూచిపూడి, భరతనాట్యం, కథక్, ఒడిస్సీ నృత్యాలను గొప్పతనాన్ని ప్రదర్శించారు. డా.సామవేదం షణ్ముఖ శర్మ రచించిన శివపదం సాహిత్య పద్యాలతో పాటు త్యాగరాజు, అన్నమయ్య, మైసూర్ వాసుదేవాచార్యులు రచించిన సాహిత్యాలకు నృత్య ప్రదర్శన చేశారు. అలాగే శివాష్టకం, దుర్గా దేవి స్తోత్రం వంటి వేద స్తోత్రాలను అనేక నృత్య కళారూపాలలో ప్రదర్శించారు.
మైత్రీమ్ భజత అనే గీతాన్ని కూడా అందమైన నృత్య రూపంతో ప్రదర్శించారు. ఈ కార్యక్రమానికి ముఖ్య అతిథిలుగా నవీన్ మేఘ్వాల్ (బాలిలోని ఐ.సి.సి.ఆర్ – ఎస్.వి.సి.సి డైరెక్టర్), రెక్టర్: ప్రొఫెసర్ డా. ఐ వాయన్ అద్న్యానా ఇసి, డెన్‌పాసర్, గౌరవ అతిథులుగా వైస్ రెక్టార్: డా. ఏ. ఏ. గేడే రాయ్ రేమావా వైస్ రెక్టార్: డా. ఐ కేటుట్ ముకా వైస్ రెక్టార్: ప్రొఫెసర్ డా. నేను కొమంగ్ సుదీర్గ తదితర అతిథులు పాల్గొన్నారు. ఉబుద్‌లోని సరస్వతి ఆలయం, డెన్‌పసర్‌లోని ఇండోనేషియా ఇన్‌స్టిట్యూట్ ఆఫ్ ఆర్ట్స్‌లో ప్రదర్శనలు ఇచ్చామని నిర్వాహుకులు తెలియచేసారు. కళలకు ఎల్లలు లేవని చాటిచెప్పడానికే ఈ ప్రదర్శన ఏర్పాటు చేశామన్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
