తానా 2023 ఎన్నికల ప్రచారంలో భాగంగా అధ్యక్ష అభ్యర్థిగా బరిలో ఉన్న వేమూరి సతీష్ ప్యానెల్ తరఫున అధ్యక్షుడు నిరంజన్ శృంగవరపు, మాజీ అధ్యక్షుడు తాళ్లూరి జయశేఖర్‌లు అట్లాంటా ప్రవాసులను కలుసుకుని వేమూరి ప్యానెల్‌కు మద్దతు ఇవ్వాలని కోరారు. ప్రత్యర్థి వర్గాల వైఫల్యాలను ఎండగట్టారు. పూర్య అధ్యక్షుడు లావు అంజయ్యపై విమర్శలు గుప్పించారు. ఆయన హయాంలో తానా కార్యవర్గంలో అట్లాంటా నుండి 10మంది ఉన్నప్పటికీ అట్లాంటాలో తానాకు పేరెన్నికగన్న కార్యక్రమం నిర్వహించడంలో ఉదాసీనంగా వ్యవహరించారని దుయ్యబట్టారు. అట్లాంటాలోని ఓ ప్రముఖ రెస్టారెంటులో జరిగిన ఈ కార్యక్రమములో ప్రస్తుత ప్రాంతీయ ప్రతినిధి అభ్యర్థి భాను ప్రకాష్ గుళ్ళపల్లి, ఫౌండేషన్ ట్రస్టీ అభ్యర్థి రవికిరణ్ మువ్వా, అంతర్జాతీయ సమన్వయకర్త అభ్యర్థి కొమ్మాలపాటి శ్రీధర్(బాబీ), సునీల్ సవిలి, సతీష్ పున్నాటి, నర్రా వెంకటేశ్వరరావు, సురేష్ చెన్నమల్లు తదితరులు పాల్గున్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
