‘భీమా’గా ప్రేక్షకుల్ని పలకరించేందుకు సిద్ధమవుతున్నారు గోపీచంద్‌. ఆయన కథానాయకుడిగా నటిస్తున్న ఈ చిత్రాన్ని ఎ.హర్ష తెరకెక్కిస్తున్న సంగతి తెలిసిందే. కె.కె.రాధామోహన్‌ నిర్మిస్తున్నారు. ప్రియా భవానీ శంకర్‌, మాళవిక శర్మ కథానాయికలు. ఈ సినిమా కొత్త షెడ్యూల్‌ చిత్రీకరణ ఆదివారం మంగళూరులో ప్రారంభమైంది. ఈ షెడ్యూల్‌లో భాగంగా ఓ పాటతో పాటు యాక్షన్‌ సన్నివేశాలు చిత్రీకరించనున్నారు. ‘‘మాస్‌ యాక్షన్‌తో కూడిన ఈ చిత్రంలో కుటుంబ ప్రేక్షకుల్ని మెప్పించే అంశాలు కూడా ఉంటాయి. ప్రస్తుతం గోపీచంద్‌తో పాటు ఇతర ప్రధాన తారాగణం చిత్రీకరణలో పాల్గొంటున్నారు. నిర్మాణాంతర పనులు కూడా శరవేగంగా జరుగుతున్నాయి’’ అని చిత్ర వర్గాలు తెలిపాయి. ఈ సినిమాకి సంగీతం: రవి బస్రూర్‌, ఛాయాగ్రహణం: స్వామి జె.గౌడ.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
