సెయింట్ లూయిస్ హిందూ దేవాలయంలో 2024 అయ్యప్ప మండల మహోత్సవాన్ని నవంబరు 16 నుండి జనవరి 14 వరకు నిర్వహిస్తున్నట్లు ఆలయ ఛైర్మన్ గంగవరపు రజనీకాంత్ ఒక ప్రకటనలో తెలిపారు. నేతి అభిషేకం, గణపతి హోమం, సహస్రనామార్చనలతో పాటు ప్రత్యేక పూజలను ఈ సందర్భంగా ఏర్పాటు చేసినట్లు ఆలయ అధ్యక్షుడు సాక్షి విజయ్ తెలిపారు. మండలం ఉత్సవం (41వ రోజు) డిసెంబరు 24,25 తేదీల్లో నిర్వహిస్తున్నట్లు ఆలయ కార్యక్రమాల నిర్వాహక కమిటీ అధ్యక్షుడు పూట్టగుంట మురళీకృష్ణ, పూజ కమిటీ అధ్యక్షురాలు ధన్య అయ్యర్‌లు వెల్లడించారు. భక్తులందరూ ఈ ఉత్సవంలో పాల్గొని అయ్యప్ప కృపకు పాత్రులు కావాలని ఆలయ కమిటీ కోరింది. శబరిమల ఆలయ మాజీ ప్రధాన అర్చకులు (మేల్‌సంతి) నారాయణన్ నంబూద్రి ఈ క్రతువు నిర్వహిస్తారని కమిటీ తెలిపింది.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
