DOSA Foundation, VUYYURU Foundation, FAANG Tech Labల సంయుక్త ఆధ్వర్యంలో శంకర కంటి ఆసుపత్రి సహకారంతో గుంటూరు జిల్లా ప్రత్తిపాడులో ఆదివారం నాడు ఏర్పాటు చేసిన ఉచిత మెగా కంటి వైద్య శిబిరం విజయవంతమైందని నిర్వాహకులు తెలిపారు. 300మందికి ఈ శిబిరంలో ఉచితంగా కంటి వైద్య పరీక్షలు నిర్వహించి శస్త్ర చికిత్స అవసరమైన 130 మందిని వైద్యులు గుర్తించారు. ఆదివారం నాడు 30మందిని శంకర ఆసుపత్రికి తరలించి శస్త్రచికిత్సకు ఏర్పాట్లు చేశామని నిర్వాహకులు తెలిపారు. ఈ వారంలో మిగిలిన వారికి కూడా ఉచితంగా శస్త్రచికిత్సలు చేస్తామని తెలిపారు. నవంబరు 3న బెల్లంకొండలో, 17న ముండ్లమర్రులో ఇదే తరహా శిబిరాలు ఏర్పాటు చేస్తున్నామని, స్థానికులు వీటిని సద్వినియోగం చేసుకోవల్సిందిగా కోరారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
