బృహత్తర వాషింగ్టన్ తెలుగు సాంస్కృతిక సంఘం(GWTCS) దీపావళి వేడుకలు యాష్‌బర్న్‌లోని స్టోన్‌బ్రిడ్జ్ ఉన్నత పాఠశాలలో ఘనంగా నిర్వహించారు. ప్రముఖ గాయని సునీత సంగీత విభావరి అలరించింది. పలువురు అమెరికన్ రాజకీయవేత్తలు, తానా కార్యవర్గ సభ్యులతో పాటు మేరీల్యాండ్, డీసీ, వర్జీనియాకు చెందిన ప్రవాసులు పెద్దసంఖ్యలో ఈ వేడుకల్లో పాల్గొన్నారు. GWTCS అధ్యక్షుడు మన్నే సత్యనారాయణ సభికులకు దీపావళి శుభాకాంక్షలు తెలిపిన అనంతరం తన ఆధ్వర్యంలో నిర్వహించిన సంస్థ సేవా కార్యక్రమాలను వివరించారు. నూతన అధ్యక్షురాలిగా ఎన్నికైన పాలడుగు సాయిసుధను సభకు పరిచయం చేసి, ఆమెకు అభినందనలు తెలిపి ఆమె కార్యవర్గం ఆధ్వర్యంలో సంస్థ బలోపేతం కావాలని ఆకాంక్షించారు. అనంతరం సంస్థ అభ్యున్నతికి తోడ్పడిన పలువురిని సన్మానించారు. కార్యక్రమంలో తానా అధ్యక్షుడు తాళ్లూరి జయశేఖర్, ఫౌండేషన్ ఛైర్మన్ నిరంజన్ శృంగవరపు, ఫౌండేషన్ కార్యదర్శి మందలపు రవి, మాజీ అధ్యక్షులు వేమన సతీష్, తోటకూర ప్రసాద్, స్థానిక ప్రవాసులు సూరపనేని సత్య, రావు సత్తిరాజు, ఉప్పుటూరి రాంచౌదరి, కోయా రమాకాంత్, శ్రీ నాగిరెడ్డి, కొల్లా సుబ్బారావు, NRC నాయుడు, కంతేటి త్రిలోక్, మన్నవ సుబ్బారావు, కొడాలి నరేన్, లక్ష్మీ దేవినేని, తదితరులు పాల్గొన్నారు.
