వేములవాడ శ్రీ రాజరాజేశ్వర స్వామి హుండీలో ఇప్పటికీ రద్దయిన పెద్ద నోట్లు కనిపిస్తున్నాయి. కేంద్ర ప్రభుత్వం నోట్లు రద్దు చేసి మూడేళ్లు కావస్తున్నా స్వామివారి ఖజానాలో మాత్రం పాతనోట్లు రోజురోజుకు పెరిగిపోతున్నాయి. 2017 ఏప్రిల్ నుంచి ఇప్పటివరకు సుమారు రూ. 60.87 లక్షల నోట్లు హుండీలో వేశారు. ప్రతిసారి హుండీ లెక్కింపులో రూ. లక్షకు పైగా పాత నోట్లు వస్తు న్నాయి. తాజాగా అక్టోబర్ 23న నిర్వహించిన హుండీ లెక్కింపులో రూ. 56 వేల రద్దయిన నోట్లు వచ్చాయి. వాటిని మార్చేందుకు ఆర్బీఐని సంప్రదించగా అంగీకరించలేదని ఆలయ ఈవో కృష్ణవేణి తెలిపారు.
