అమెరికాలోని కెంటకీ, వర్జీనియా రాష్ట్రాల్లో జరిగిన ఎన్నికల్లో ప్రతిపక్ష డెమోక్రాటిక్‌ పార్టీ అభ్యర్థులు విజయం సాధించారు. మరోసారి అధ్యక్ష పదవికి పోటీ చేయాలని ప్రయత్నిస్తున్న అధ్యక్షుడు డొనాల్డ్‌ ట్రంప్‌నకు, ఆయన ప్రాతినిధ్యం వహిస్తున్న రిపబ్లికన్‌ పార్టీకి ఈ ఫలితాలు పెద్ద దెబ్బ అని పరిశీలకులు భావిస్తున్నారు. ప్రస్తుత కెంటకీ రాష్ట్ర గవర్నర్‌ (రిపబ్లిక్‌ పార్టీ) మ్యాట్‌ బెవిన్‌ డెమోక్రాటిక్‌ అభ్యర్థి ఆండీ బెషియర్‌ చేతిలో ఓడిపోయారు. రాష్ట్రంలోని ఉభయ సభల్లోనూ డెమోక్రాట్లకే ఆధిక్యం లభించింది.
