షుగర్ వ్యాధి వచ్చినవారు క్యారెట్స్ తీసుకోవడం మంచిదని చెబుతుంటారు. ఇందులో నిజం ఉంది. కానీ, అతిగా తినడం అంత మంచిది కాదని చెబుతున్నాయి తాజా పరిశోధనలు. డయాబెటీస్ వచ్చిన వారు డైట్ విషయంలో కచ్చితంగా జాగ్రత్తలు పాటించాలి. తీసుకునే ఆహారంపై సరైన అవగాహన అవసరం. ఈ వ్యాధి ఒక్కసారి వచ్చిందంటే చాలు అప్రమత్తం అవ్వాల్సిందే. ఎందుకంటే ఈ వ్యాధి కారణంగా అనేక వ్యాధులు చుట్టు ముడతాయి. కాబట్టి ఈ సమస్యకు కారణమయ్యే ఆహార పదార్థాలను దూరం పెట్టి తగిన జాగ్రత్తలు తీసుకోవడం చాలా ముఖ్యం. మరీ షుగర్ వచ్చినవారు క్యారెట‌ని తినొచ్చా.. తినడం వల్ల ఏం జరుగుతుందో ఇప్పుడు చూద్దాం..
ఇలా కూడా తీసుకోవచ్చు..
క్యారెట్.. ఆరోగ్యానికి ఎంతో మేలు చేసే కూరగాయల్లో ఇది ఒకటి. దీనిని తినడం వల్ల అనేక ఆరోగ్య ప్రయోజనాలు ఉన్నాయని చెబుతుంటారు నిపుణులు. చూడగానే ఎర్రగా నోరూరించే ఈ వెజిటేబుల్‌ని పెద్దలు, పిల్లలు కూడా ఎంతో ఇష్టంగా తింటుంటారు. తియ్యగా ఉండే ఉండే ఈ కూరగాయని ఊరికే తింటుంటారు. మరికొంతమంది సలాడ్స్‌లో వేసుకుని, జ్యూస్, స్వీట్స్‌లా చేసి తీసుకుంటుంటారు.
క్యారెట్‌లోని విటమిన్స్..
క్యారెట్‌లో విటమిన్ ఏ, సి, కె విటమిన్స్‌తో పాటు పొటాషియం ఎక్కువగా ఉంటుంది. దీన్ని తినడం వల్ల కంటి చూపు మెరుగు అవ్వడమే కాకుండా, చర్మ కాంతి కూడా పెరుగుతుంది. అదే విధంగా రక్త హీనతతో బాధపడేవారు. దీనిని తినడం వల్ల సమస్య త్వరగా తగ్గుతుంది. వీటిని తినడం వల్ల వ్యాధి నిరోధక శక్తి పెరుగుతుంది. ఇందులో విటమిన్ బీ, ఈలతో పాటు మినరల్స్ కూడా ఉంటాయి. ఎనర్జీ లెవెల్స్ కూడా పెరుగుతాయి. ముఖ్యంగా చర్మం తాజాగా కనిపించాలంటే రోజూ క్యారెట్ జ్యూస్ తాగాలని సూచిస్తున్నారు నిపుణులు.
అధిక బరువుని తగ్గిస్తుంది..
బరువు తగ్గాలనుకునే వారు రోజూ క్యారెట్‌ని తీసుకోవడం వల్ల మేలు జరుగుతుందని చెబుతున్నారు నిపుణులు. దీన్ని జ్యూస్‌లా చేసి తాగడం వల్ల లేదా అలానే తినడం వల్ల శరీరంలోని కొవ్వు కూడా కరుగుతుందని అధ్యయనాలు చెబుతున్నాయి. కాబట్టి బరువు తగ్గాలనుకునేవారు ఎక్కువగా క్యారెట్‌ని తీసుకోవడం చాలా ముఖ్యమని చెబుతున్నారు నిపుణులు. ఉదయాన్నే ఈ క్యారెట్‌ని జ్యూస్ చేసుకుని తాగడం వల్ల బరువు తగ్గడంతో పాటు అనేక లఆబాలు ఉంటాయని చెబుతున్నారు నిపుణులు.
బీపీని కంట్రోల్ చేస్తుంది..
క్యారెట్‌లో ఎక్కువగా సోడియం కంటెంట్ ఉంటుంది. ఇది బ్లడ్ ప్రెజర్‌ని కంట్రోల్ చేస్తుంది. కాబట్టి బీపీ సమస్యతో బాధపడేారు.. క్యారెట్‌ని రెగ్యులర్‌గా తినడం వల్ల బీపీ కంట్రోల్‌లో ఉంటుందని చెబుతున్నారు నిపుణులు. ఈ వెజిటేబుల్‌ని ఎలా అయినా తీసుకోవచ్చు.
షుగర్ వ్యాధిగ్రస్థులు తీసుకోవచ్చా..
అయితే, షుగర్ వ్యాధితో బాధపడేవారు ఈ వెజిటేబుల్‌ని తీసుకోకపోవడమే మంచిదని చెబుతున్నారు నిపుణులు. క్యారెట్‌లో షుగర్ కంటెంట్ హై గ్లిజమిక్స్ 97 ఉంటుంది. ఇది గ్లూకోజ్‌గా మారడంతో బ్లడ్ షుగర్ లెవల్స్ పెరుగుతాయి. కాబట్టి వీటిని షుగర్ పేషెంట్స్ ఎక్కువగా తీసుకోవద్దని చెబుతున్నారు నిపుణులు. డయాబెటిక్ పేషెంట్స్ వీటిని ఎక్కువగా తినడం వల్ల ఇరిటేషన్, నిద్రలమేమి, నీరసం ఎక్కువగా మారడం వంటి సమస్యలను ఎదుర్కొంటారని చెబుతున్నారు నిపుణులు. కాబట్టి షుగర్ వ్యాధిగ్రస్తులు ఈ వెజిటేబుల్‌ని తీసుకోకపోవడమే మంచిదని చెబుతున్నారు నిపుణులు
