మెంతుల్లో ఎన్నో ఆరోగ్య ప్రయోజనాలు ఉంటాయి. వీటిని నేరుగా తీసుకున్నా.. నానబెట్టి ఆ నీటిని తాగినా ఎన్నో ఆరోగ్య ప్రయోజనాలు ఉన్నాయి. ఆరోగ్య సమస్యలను తగ్గించే ఎన్నో అద్భుత గుణాలు మెంతుల్లో ఉన్నాయి.
భారత మసాలా దినుసుల్లో ఎన్నో అద్భుత గుణాలు ఉన్నాయి. వీటిని తీసుకోవడం వల్ల ఎన్నో సమస్యలను దూరం అవుతాయి. ఈ నేపథ్యంలో
మెంతులు కూడా. మెంతుల్లో ఆరోగ్యానికి ఎన్నో ప్రయోజనాలు ఉన్నాయి. వీటని పొడి చేసుకుని తీసుకున్నా… వీటిని నానబెట్టి ఆ నీటిని తాగడం వల్ల హెల్త్ బెనిఫిట్స్ ఉన్నాయి. అవేంటో ఇప్పుడు చూద్దాం..
మెంతులు.. ఎక్కువగా వంటల్లో వాడే ఈ దినుసులు ఆరోగ్యానికి ఎంతో మేలు చేస్తుంది..ఎక్కువగా ఊరగాయలు, పులుసు, పోపుల్లో వాడుతుంటారు. మెంతుల్లో పోషకాలు, పీచు పదార్థాలు, ఇనుము, విటమిన్ సి, బి1, బి2, కాల్షియంలు సమృద్ధిగా ఉంటాయి. ఇవి శరీరానికి అన్ని విధాలుగా మేలు చేస్తుంది.
బాలింతలు ఈ మెంతులను నేరుగా తీసుకున్నా పొడి రూపంలో తీసుకున్నా పాల ఉత్పత్తి పెరుగుతుంది. మెంతులతో కషాయం చేసుకుని తాగినా.. మెంతికూర పప్పు ఎక్కువగా తినిపిస్తే.. వారిలో పాల ఉత్పత్తి పెరుగుతాయి.
జుట్టు సమస్యలు ఎదుర్కొంటుంటే వాటిని తగ్గించుకునేందుకు మెంతులను వాడొచ్చు. మెంతులను నానబెట్టి ఆ నీటిని జుట్టుకి మసాజ్ చేయండి. అదే విధంగా.. మెంతులను పెరుగులో నానబెట్టి మిక్సీ పట్టండి. దీనిని తలకి ప్యాక్‌లా వేసుకుని ఆరిన తర్వాత కడిగేయండి. ఇలా చేయడం వల్ల జుట్టు సమస్యలు దూరం అవుతాయి. జుట్టు రాలడం తగ్గుతుంది. రంగు కూడా నెరవకుండా ఉంటుంది.
జీర్ణ సమస్యలతో బాధపడేవారు మెంతులను తీసుకోవడం వల్ల మేలు జరుగుతుంది. మెంతులను నానబెట్టి ఆ నీరు తాగాలి దీంతో సమస్యలు తగ్గుతాయి. ఓ గ్లాస్ నీటిలో టీ స్పూన్ పరిమాణంలో మెంతులను నానబెట్టి వాటిని తాగాలి. ఇలా తాగడం వల్ల మలబద్ధకం, జీర్ణసమస్యలు తగ్గుతాయి.
షుగర్ వ్యాధితో బాధపడేవారు మెంతుల నీటిని రెగ్యులర్‌గా తాగడం వల్ల షుగర్ కంట్రోల్ అవుతుంది. కాబట్టి షుగర్‌తో బాధపడేవారు రెగ్యులర్‌గా ఈ నీటిని తాగడం చాలా వరకూ డయాబెటీస్ కంట్రోల్ అవుతుందని వైద్యులు చెబుతున్నారు
