భద్రాచలం రామాలయంలో నిర్వహించే ముక్కోటి ఏకాదశి మహోత్సవాలను ఈసారి ఘనంగా నిర్వహించాలని భావిస్తున్నారు. ఈనెల 27 నుంచి వచ్చే నెల 4 వరకు స్వామివారు రోజుకో రూపంలో దర్శనమిస్తాడు. అదే సమయంలో వేదిక వద్ద అవతారాల ఫైబర్ బొమ్మలనూ ఏర్పాటు చేయనున్నారు. ఇలా చేయడం ఇదే తొలిసారి. వీటిని ప్రత్యేకంగా తెప్పించారు. మత్స్య, కూర్మ, వరాహావతారం, నరసింహ, వామన, పరశురామ, శ్రీరామ, బలరామ, శ్రీకృష్ణ అవతారాలతో ఉన్న ఈ బొమ్మలు ఆకట్టుకుంటున్నాయి.
