ముప్పై సంవత్సరాలు దాటితే పిల్లలు పుట్టడం కష్టమా..
మనం ఎప్పుడూ వినే మాటేంటంటే ముప్ఫై లోపు పిల్లల్ని కనెయ్యండి. లేదా అసలు పిల్లలు పుట్టకపోవచ్చు. ఇది నిజమేనా.. నిపుణులు ఈ విషయం గురించి ఏం చెబుతున్నారు..
పిల్లల్ని కనడం వాయిదా వేద్దామనుకున్నవాళ్ళు అనేక కారణాలు చెబుతూ ఉంటారు. అవన్నీ ఎంతో సరదాగా ఉంటాయి. ఎన్ని చెప్పినా ఒకరికొకరు అండగా ఉంటే ఉండే ఆ అందమే వేరు.
మనం మనకు కావాల్సినట్టుగా గ్రహాలని మార్చుకోలేం. పిల్లల్ని కనడానికి మంచి సమయం ఏమిటో ఇంకా తేల్చుకోలేదు, కానీ ఈ మధ్య వార్తల్లో ఉన్న విషయం మాత్రం ముప్పైలోపు పిల్లలని కనండి అని. ఇంతకీ సరైన సమయం ఎప్పుడంటే?
ముప్పైల్లోనే పిల్లల్ని కనాలని చెబుతుంటారు. ఇది ఇంతకుముందు.. కానీ, ఇప్పుడు చాలా మంది కెరీర్‌లో సెటిల్ అవ్వాలి.. ఎంజాయ్ చేయాలి.. ఇలాంటి విషయాలు అన్ని పెట్టుకుని పెళ్ళిళ్లే 30 సంవత్సరాల తర్వాత చేసుకుంటున్నారు. ఇలాంటి వారు పిల్లల్ని కనడంలో కాస్తా ఇబ్బందులు పడుతున్నా.. కానీ, చాలా మంది ఈ విషయంలో సక్సెస్ అవుతున్నారు. కానీ, ఇది వారి వ్యక్తిగత జీవితం ఎవరు ఇష్టం వారికి ఉంటుంది. ముప్పై ఏళ్ళు దాటాకా పిల్లల్ని కనడం కాస్తా కష్టమైనా.. ఆరోగ్యంగా ఉంటే కనొచ్చు. చాలా మంది విషయంలో సాధ్యమైంది కూడా.. అయితే వాళ్ళనే రోల్ మోడల్‌గా తీసుకోవాలని ఏం లేదు.. మీరు ఆర్థికంగా, ఆరోగ్యంగా అన్ని విధాలుగా బావుంటే ముందుగానే పిల్లల్ని కనొచ్చు.
పిల్లల్ని కనడం వాయిదా వేయడానికి జనాలు చెప్పే 19 కారణాలు చదివి చూద్దాం రండి.
ఎప్పుడు పిల్లల్ని కనాలి?
1. మరీ చిన్నప్పుడే పిల్లల్ని కనకూడదు. మనం కొన్ని విషయాలు అనుభవించినప్పుడే మంచి తల్లితండ్రులం కాగలం.
2. పిల్లల్ని మరీ ఆలస్యంగా కూడా కనకూడదు. ఇలా జరిగితే మీకు చాలా విషయాల్లోనూ ఓపిక ఉండదు.
3. మీరు పూర్తిగా జీవితంలో సెటిల్ అయ్యాక, హమ్మయ్య ఇంక పిల్లల్ని కనచ్చు అనుకునేవరకూ ఆగకూడదండీ. తొందరగా పిల్లలు కనాలి..
4. మీరు ఒంటరిగా ఉంటుంటే పిల్లల్ని కనకండి. ప్రతివారూ ఏదో ఒక బంధంలో ఉండాలి కదా. మరీ స్వతంత్రంగా ఏం బతుకుతాం చెప్పండి.
5. మీ శారీరక మానసిక ఆరోగ్యం అత్యద్భుతంగా ఉంటే తప్ప పిల్లల్ని కనకండి. ఎందుకంటే పిల్లలు మన జీవితాన్ని వాళ్ళ కంట్రోల్ లోకి తీసేసుకుంటారు.
6. మీరు చట్టపరంగా పెళ్ళి చేస్కోకుండా పిల్లల్ని కనకండి. ఒక పెద్ద పెళ్ళి ఫోటో, ఆల్బం, వీడియోలు ఇవన్నీ ఉండాలిగా..
7. మీరు బాగా ఆర్థికంగా స్థిరపడినప్పుడే తప్ప పిల్లల్ని కనకండి. వాళ్ళకి బూరుగు దూది పరుపులూ, వెండి ఉగ్గుగిన్నెలూ కావాలండీ బాబూ.
పిల్లలు ఏనెలలో పుడితే బావుంటుందో?
వీటన్నింటితో పాటూ పిల్లల్ని కనదల్చుకుంటే ఏ నెలలో కనాలో కూడా చూస్కోవాలి కదండీ. ఎందుకైనా మంచిది ఈ క్రింది నెలల్లో పిల్లలు పుట్టకుండా చూస్కోండి.
8. జనవరి. అందరూ క్రిస్మస్, న్యూ ఇయర్ హడావిడిలో ఉంటారు. మీ పిల్లలకి వచ్చే పుట్టినరోజు బహుమతులు కూడా మిగిలిపోయినవీ తగిలిపోయినవీ వస్తాయి, జాగ్రత్త మరి.
9. ఫిబ్రవరి. వాతావరణం మరీ చలిగానూ ఉండదు. మరీ వేడిగానూ ఉండదు. కొంచెం చిరాగ్గా ఉంటుంది. ఆలోచించుకోండి.
10. మార్చ్. ఒక్కసారి అలా రెండడుగులు ముందుకేసి చూడండి. మీ అమ్మాయిదో, అబ్బాయిదో పదహారవ పుట్టినరోజు స్కూల్ లో, చెమటలు కక్కుకుంటూ, గొంతెండిపోతూ జరుగుతుంది. పరీక్షల సీజన్ కదా. అలాగే ఉంటుంది మరి.
11. ఏప్రిల్. మీరు మీ మెటర్నిటీ లీవ్ పొడిగించుకోకపోతే మాత్రం సరిగ్గా దీపావళి ముందో, క్రిస్మస్ ముందో జాయినవ్వాలి. కాబట్టి ఈ విషయాన్ని కూడా ఆలోచించండి.
12. మే. సెలవుల్లో పుట్టినరోజు. మీ పిల్లల పుట్టినరోజు పార్టీకి ఎవ్వరూ రావద్దని అనుకుంటున్నారా.. అయితే మీ ఇష్టం..
13. జూన్. ఎండ. ఉక్కపోత. వాన. ఏరోజెలా ఉంటుందో తెలీదు మరి.
14. జులై. స్కూల్ లో క్లాస్మేట్స్ అందరిలోకీ మీ పిల్లలే చిన్నవాళ్ళు. వీళ్ళ క్లాస్మేట్స్ మేలోనో, జూన్ లోనో పుట్టుంటే వాళ్ళకంటే మీ వాళ్ళు సుమారుగా సంవత్సరం చిన్నవాళ్ళై ఉంటారు.
15. ఆగస్ట్. మీరు ప్లాన్ చేసిన ఔట్ డోర్ బర్త్ డే పార్టిలో వాన అయినా పడుతుంది. లేదా కేక్ మీద మీ పిల్లల ఫ్రెండ్స్ తుమ్ముతూ ఉంటారు. అబ్బా!
16. సెప్టెంబర్. మీ పిల్లలే స్కూల్ లో అందరికంటే పెద్దై ఉంటారు. దాంతో టీచర్లు కూడా వాళ్ళేదో చేసెయాలని అనుకుంటూ ఉంటారు. ఇంకోటి కూడా ఉంది. వీళ్ళని చాలాకాలం ఇంట్లోనే భరించాలి మరి.
17. అక్టోబర్. అందరూ దసరా హడావిడి లోనే ఉంటారు. మీవేపు ఎవరూ చూడరు.
18. నవంబర్. షాప్స్ లో మంచి మంచి బర్త్ డే కార్డ్స్ అన్నీ దీపావళి శుభాకాంక్షల కార్డ్స్ తో నిండిపోతాయి.
19. డిసెంబర్. బేబీ జీసస్ ని తప్ప మీ బేబీ ని ఎవరూ పట్టించుకోరు. పైగా క్రిస్మస్ ఫీస్ట్ తినకుండానే మీరు హాస్పిటల్ లో జాయిన్ అవ్వాల్సి వస్తుందో ఏమో.
సరదాగా ఎన్ని చెప్పుకున్నా మనం ఏంచేస్తే అదే మన జీవితం. ఇలాంటి విషయాలు మనం ఆలోచించి చూడలేం.. కానీ, పిల్లలు ఏ సమయంలో పుట్టాలి.. మనం ఎప్పుడు కనాలి ఇలాంటి విషయాల్లో మనకి కచ్చితంగా అవగాహన ఉండాలి.
