రజనీకాంత్‌ హీరోగా తెరకెక్కుతున్న కొత్త చిత్రం ‘అణ్ణాత్త’. 2021 సంక్రాంతికి విడుదల చేయనున్నట్లు చిత్రవర్గాలు ప్రకటించాయి. శివ తెరకెక్కిస్తున్న ఈ చిత్రంలో నయనతార, కీర్తిసురేష్‌, ఖుష్బూ, మీనా తదితరులు నటిస్తున్నారు. సన్‌ పిక్చర్స్‌ నిర్మిస్తోంది. ఆయుధపూజ నాడు ఈ సినిమాను విడుదల చేయనున్నట్లు తొలుత ప్రకటించారు. అయితే చిత్రీకరణ, నిర్మాణానంతర పనుల్లో జాప్యం వల్ల సంక్రాంతికి వాయిదా వేస్తున్నట్లు సన్‌పిక్చర్స్‌ ప్రకటించింది. తెలుగు, తమిళ, హిందీ భాషల్లో ఈ చిత్రం విడుదల కానుంది. సంక్రాంతికే అజిత్‌ ‘వలిమై’ చిత్రం కూడా రానుంది. ఈ ఏడాది సంక్రాంతికి కూడా కోలీవుడ్‌లో రజనీకాంత్‌ నటించిన ‘పేట’, అజిత్‌ ‘విశ్వాసం’ చిత్రాలు పోటీపడ్డాయి.
