అమెరికాలోని ఫ్లోరిడా రాష్ట్రంలో గల హిందూ ఆలయ అధ్యక్షుడిగా గుత్తికొండ శ్రీనివాస్ ఎన్నికయ్యారు. శ్రీనివాస్ స్వస్థలం కృష్ణాజిల్లా గుడ్లవల్లేరు. ఆయన గతంలో నాట్స్ బోర్డు ఛైర్మన్‌గా సేవలందించారు. ఈ ఆలయంలో సత్యనారాయణ స్వామి ప్రధాన దేవతగా ఉన్నారు. ఆయన కృపతో ఈ ఆలయాన్ని అమెరికాలో సనాతన పుణ్యక్షేత్రంగా తీర్చిదిద్దేందుకు కృషిచేస్తానని శ్రీనివాస్ తెలిపారు. ఆలయ అభివృద్ధికి, హిందు ధర్మ పరివ్యాప్తికి తనవంతు చేయూతనిస్తానని ఆయన తెలిపారు. ఆయన ఎన్నిక పట్ల ప్రవాసులు, సన్నిహితులు, శ్రేయోభిలాషులు అభినందనలు తెలిపారు.
