నాగార్జున కథానాయకుడిగా నటిస్తున్న చిత్రం ‘మన్మథుడు 2’. ఆయన ఇదివరకు చేసిన ‘మన్మథుడు’ చిత్రం స్ఫూర్తితో, యువ దర్శకుడు రాహుల్‌ రవీంద్రన్‌ తెరకెక్కిస్తున్నారు. మనం ఎంటర్‌ప్రైజెస్‌, ఆనంది ఆర్ట్‌ క్రియేషన్స్‌, వయాకామ్‌ 18 మోషన్‌ పిక్చర్స్‌ సంస్థలు సంయుక్తంగా రూపొందిస్తున్న ఈ చిత్రానికి నాగార్జున అక్కినేని, పి.కిరణ్‌ నిర్మాతలు. నాగ్‌ సరసన రకుల్‌ప్రీత్‌ సింగ్‌ నటిస్తోంది. సమంత, కీర్తిసురేష్‌ కీలక పాత్రలు పోషించనున్నట్టు తెలుస్తోంది. ఈ సినిమా చిత్రీకరణ మెరుపు వేగంతో సాగుతోంది. ఇటీవలే పోర్చుగల్‌లోని లిస్బన్‌, పోర్టో సిటీస్‌లో నెలరోజుల పాటు నాయకా నాయికలతోపాటు రావు రమేష్‌, వెన్నెల కిషోర్‌ తదితరులపై కీలక సన్నివేశాల్ని తెరకెక్కించారు. ఈ నెల 21 నుంచి హైదరాబాద్‌లో మరో షెడ్యూల్‌ మొదలవనున్నట్టు సమాచారం. ఝాన్సీ, దేవ దర్శిని తదితరులు నటిస్తున్న ఈ చిత్రానికి సంగీతం: చైతన్య భరద్వాజ్‌, ఛాయాగ్రహణం: ఎం.సుకుమార్‌.
