కాలానుగునంగా ఏర్పడే ఉప్పు, సుగంధ ద్రవ్యాలు, సూర్యరశ్మి వంటివి ప్రకృతిలో సహజంగా లభిస్తాయి. వాటిలో మంచి పోషక విలువలుంటాయి.
**మన ముందు తరాలు తమ చుట్టూ సహజంగా లభించే ప్రతిదాన్ని ఉపయోగించేవారు.- కాలానుగునంగా ఏర్పడే ఉప్పు, సుగంధ ద్రవ్యాలు, సూర్యరశ్మి వంటివి ప్రకృతిలో సహజంగా లభిస్తాయి. వాటిలో మంచి పోషక విలువలుంటాయి. కాబట్టి అమ్మమ్మలు, నాన్నమ్మలు ప్రకృతిలో సహజంగా లభించే వాటిని చక్కగా ఉపయోగించి ఊరగాయలను తయారు చేసేవారు. ఊరగాయలు తినడం ద్వారా అనేక ప్రయోజనాలున్నాయి. వీటిలో విటమిన్లు పుష్కలంగా లభిస్తాయి. విటమిన్ డిని గ్రహించడంలో సహకరించే విటమిన్ కె, కంటి చూపు, రోగనిరోధక శక్తి పెరుగుదలకు ఉపయోగపడే విటమిన్ ఎతో పాటు అనేక ఆరోగ్య ప్రయోజనాలు ఉన్నాయి. అంతేకాక ఊరగాయలు ఆహార రుచిని పెంచుతాయనే విషయం మనందరికీ తెలిసిందే. మరి అటువంటి ఊరగాయలు తయారీ విధానం, వాటితో చేకూరే ప్రయోజనాలపై ప్రముఖ న్యూట్రీషియన్ రుజుతా దివాకర్ తన ఇన్స్టాగ్రామ్ ఖాతాలో పోస్ట్ చేసింది. అవేంటో తెలుసుకుందామా.
1. ఇవి శరీరం యొక్క జీర్ణ ప్రక్రియలకు సహాయపడతాయి.
2. ఊరగాయల్లో విటమిన్లు, ఖనిజాలు, యాంటీఆక్సిడెంట్ల ఎక్కవుగా ఉంటాయి.
3. ఇవి శరీరానికి ఆరోగ్యకరమైన బ్యాక్టీరియాను అందిస్తాయి. అంతేకాక శరీరానికి బి 12 వంటి విటమిన్లు ఉత్పత్తి చేయడాన్ని సులభతరం చేస్తుంది. అయినప్పటికీ, ఊరగాయలను సొంతంగా ఇంట్లోనే తయారు చేసుకోవడం మంచిది. సాంప్రదాయక వంటకాల లాగానే ఊరగాయలను తయారుచేసుకోవడం ద్వారా మంచి రుచి లభిస్తుంది.
**తయారీలో తీసుకోవాల్సిన జాగ్రత్తలు
1. ఊరగాయల్లో సరైన పాల్లలో ఉప్పు, నూనె ఉండేట్లు చూసుకోవాలి. లేకపోతే చెడు బ్యాక్టీరియా పెరిగి ఊరగాయలు చెడిపోతాయి. ఒకవేళ మీరు బిపితో భాదపడుతుంటే బిస్కెట్లు & కుకీలను తినడం, బయట తినడం మానేయండి. అంతేకానీ ప్రతిరోజూ వ్యాయామం చేయడం, పికిల్స్ తినడం మాత్రం మానేయకండి. ఊరగాయల నుండి వచ్చే ఆరోగ్యకరమైన బ్యాక్టీరియా డయాబెటిస్ మరియు గుండె జబ్బులను నివారించడానికి ఎంతో ఉపయోగపడుతుంది.
2. భారతీయులు ఊరగాయలను భోజనంలో ఒక చిన్న భాగంగా భావిస్తారు. పప్పు బియ్యం లేదా దాహి బియ్యంతో చేసిన వంటలో కొద్దిగా ఊరగాయను వేసుకొని తినడం ద్వారా మీ శరీరానికి సమపాల్లలో ప్రోటీన్లు అందుతాయి. కాబట్టి మీరు ఊరగాయలని తయారు చేసుకొని తరువాతి తరానికి కూడా పరిచయం చేయండి. ప్రతిరోజూ మీ భోజనంలో ఊరగాయలను చేర్చడం ద్వారా మీ జీవితాన్ని సంతోషంగా ఆస్వాదించండి.
