ప్రముఖ నటుడు మిథున్ చక్రవర్తి కుమారుడు మహాక్షయ్‌ చక్రవర్తిపై కేసు నమోదైంది. ముంబయికి చెందిన ఓ యువతి పోలీసులకు ఫిర్యాదు చేశారు. అక్టోబరు 15న ఓషివారా పోలీసులు ఆయనపై అత్యాచారం కేసు‌ను నమోదు చేశారు. 2015 నుంచి మహాక్షయ్‌తో ప్రేమలో ఉన్నానని బాధితురాలు ఫిర్యాదులో పేర్కొన్నారు. ఓ సారి అతడు మత్తుమందు కలిపిన డ్రింక్‌ తాగించి, తనపై అత్యాచారం చేశాడని ఆమె ఆరోపించారు. తమ బంధం నాలుగేళ్లు సాగిందని.. పెళ్లి చేసుకుంటానని నమ్మించి మోసం చేశాడని, బలవంతంగా గర్భస్రావం కూడా చేయించాడని తెలిపారు.
