ఇటీవల కురిసిన భారీ వర్షాలకు జనజీవనం స్తంభించిపోయింది. హైదరాబాద్ నగరం అతలాకుతలమైంది. ఇండ్లలోకి వరద నీరు చేరడంతో ఎంతో మంది నిరాశ్రులయ్యారు. రాష్ట్రంలోని ఇతర ప్రాంతాల్లో కనీవినీ ఎరుగని వర్షాల వల్ల అనేకమంది ప్రజలు ఇబ్బందులు ఎదుర్కొంటున్నారు. ఈ నేపథ్యంలో టీఆర్ఎస్ ఎన్నారై సౌత్ ఆఫ్రికా శాఖ ఆధ్వర్యంలో ఈ రోజు అంబర్‌పేట్, దిల్‌సుఖ్‌నగర్ పరిసర ప్రాంతాల్లో తమ శాఖ ద్వారా ఆహార పొట్లాలు పంపిణీ చేశారు. కారక్రమంలో ఎన్నారై శాఖ తరఫున మేడసాని శ్రవంతి రెడ్డి పాల్గొన్నారు. ఈ పంపిణీ సహాయ కార్యక్రమానికి సహకరించిన అందరికి టీఆర్ఎస్ ఎన్నారై శాఖ తరఫున ఆ శాఖ అధ్యక్షుడు నాగరాజు గుర్రాల ధన్యవాదాలు తెలిపారు.
