అబద్ధం ఆడింది. రాకెట్ విరగ్గొట్టింది. నిందలు మోపింది. చివరకు ఓడింది.

యూఎస్‌ ఓపెన్‌ మహిళల సింగిల్స్‌ ఫైనల్‌లో తాను మోసానికి పాల్పడలేదని అమెరికాకు చెందిన టెన్నిస్‌ దిగ్గజం సెరెనా విలియమ్స్ అన్నారు. ఫైనల్‌లో జపాన్‌ క్రీడాకారిణి ఒసాకా.. సెరెనాపై 6-2, 6-4 తేడాతో గెలిచి టైటిల్‌ విజేతగా నిలిచింది. అయితే రెండో సెట్‌లో సెరెనా నిబంధనలు ఉల్లంఘించి ఛైర్‌ అంపైర్‌ ఆగ్రహానికి గురైంది. తొలి సెట్‌ను కోల్పోయిన సెరెనా.. రెండో సెట్‌ జరుగుతున్న సమయంలో కోచ్‌ సాయం తీసుకోవడంపై ఛైర్‌ అంపైర్‌ హెచ్చరించాడు. దీంతో వాగ్వాదానికి దిగిన సెరెనా ఛైర్‌ అంపైర్‌ అబద్ధాలకోరు, దొంగ అంటూ నిందించి ఆగ్రహంతో రాకెట్‌ను నేలకేసి కొట్టింది. ఆట నిబంధనలు ఉల్లంఘించడంతో ఛైర్‌ అంపైర్‌ ఆమెకు ఒక పాయింట్‌ జరిమానా విధించాడు. తర్వాత మ్యాచ్‌ రెఫరీని పిలిచి ఛైర్‌అంపైర్‌పై ఫిర్యాదు చేసి అతను క్షమాపణ చేప్పాలని సెరెనా డిమాండ్‌ చేసింది. అనంతరం సెరెనా రెండో సెట్‌ను కూడా కోల్పోవడంతో ఒసాకా టైటిల్‌ విజేతగా నిలిచింది. ఆట అనంతరం సెరెనా మాట్లాడుతూ .. తన కోచ్‌ పాట్రిక్‌ మౌరటోగ్లో రెండో సెట్‌ సమయంలో తనకు ఎలాంటి సాయం చేయలేదని చెప్పుకొచ్చారు. అయితే కోచ్‌ మాత్రం దీనికి భిన్నంగా స్పందించడం గమనార్హం. తాను సెరెనాకు సాయం చేశానని ఒప్పుకొన్నారు. చేతుల ద్వారా కొన్ని సంజ్ఞలు చేశానని చెప్పారు. ఈ సమయంలో ఛైర్‌ అంపైర్‌ హెచ్చరించడంతో సెరెనా అతనితో వాదనకు దిగింది. ‘నేను చీటింగ్‌కు పాల్పడ్డానని అంపైర్‌ ఆరోపించాడు. అయితే నేను చీటింగ్‌ చేయలేదు. నేను గెలవడానికి చీటింగ్‌ చేయనని.. అవసరమైతే మ్యాచ్‌ను కోల్పోతాను’ అని సెరెనా చెప్పారు. ‘క్రీడల్లో పురుష ఆటగాళ్లతో పోల్చితే.. మహిళలపై వివక్ష ఉంటుందన్న నా నమ్మకాన్ని ఈ ఘటన బలోపేతం చేసింది. పురుష ఆటగాళ్ల పట్ల ఛైర్‌ అంపైర్లు ఎలా ప్రవర్తిస్తారో నేను చూశాను. ఇక్కడ నేను మహిళల హక్కుల కోసం, వారి సమానత్వం కోసం పోరాడుతున్నాను’ అని సెరెనా అన్నారు. మహిళలు ఎలా వివక్షకు గురువుతున్నారో వివరిస్తూ.. గతవారం ఫ్రెంచ్‌ క్రీడాకారిణి అలిజ్‌ కార్నెట్‌ ఎండ వేడిమి కారణంగా కోర్టులోనే షర్ట్‌ విప్పేసిన ఘటనలో ఆమెను ఛైర్‌ అంపైర్‌ హెచ్చరించిన ఘటనను సెరెనా ఉదహరించారు. పురుషులు కోర్టులోనే టీషర్టులు మార్చుకుంటున్నప్పుడు అడ్డురాని నిబంధనలు మహిళల విషయంలో ఎందుకు వస్తున్నాయని టెన్నిస్‌ మాజీ క్రీడాకారులు ఆ సమయంలో ప్రశ్నించారు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com