మూడు సార్లు

శ్రద్ధా కపూర్, రాజ్కుమార్ రావ్ ప్రధాన పాత్రల్లో నటించిన హారర్ కామెడీ చిత్రం ‘స్త్రీ’. ఇందులో స్త్రీ అనే దెయ్యం పాత్రలో నటించి భయపెట్టింది శ్రద్ధ. ఈ తరహా పాత్ర చేయడం ఆమెకిదే తొలిసారి అయినా తన అభినయంతో మెప్పించింది. సుమారు రూ.పాతిక కోట్ల బడ్జెట్తో చిన్న చిత్రంగా తెరకెక్కిన ‘స్త్రీ’ ప్రేక్షకాదరణతో విజయఢంకా మోగిస్తోంది. ఇప్పటికి సుమారు రూ.106 కోట్లకు పైగా వసూళ్లు సాధించి అదే జోరును కొనసాగిస్తోంది. అగ్రకథానాయకుడు అక్షయ్ కుమార్ నటించిన ‘ప్యాడ్మ్యాన్’, ‘గోల్డ్’ చిత్రాలను సైతం వసూళ్ల విషయలో వెనక్కు నెట్టి ఈ ఏడాది అతి పెద్ద విజయాల్లో ఒకటిగా నిలవడం గమనార్హం. కాగా శ్రద్ధా ఈ చిత్రంతో ట్రిపుల్ సెంచరీ కొట్టేసింది. ఆమె కెరీర్లో రూ.100 కోట్ల క్లబ్లో చేరిన మూడో చిత్రమిది. ఇంతకు ముందు ఆమె కథానాయికగా నటించిన ‘ఏక్ విలన్’, ‘ఏబీసీడీ 2’ కూడా వసూళ్లలో సెంచరీ కొట్టాయి. ‘స్త్రీ’కి వస్తున్న స్పందన పట్ల ఆనందం వ్యక్తం చేసింది శ్రద్ధా. తన నటనకు ప్రత్యేక ప్రశంసలు దక్కుతున్నాయని, ఎక్కడికెళ్లినా అభిమానులు తనను స్త్రీ అని పిలుస్తున్నారని చెప్పింది శ్రద్ధ.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com