రక్తపోటుకు కరివేపాకు అడ్డం పెట్టండి

అధిక రక్తపోటు ఈ రోజుల్లో అన్ని వయసులవారిని ఇబ్బంది పెడుతోంది. సైలెంట్ కిల్లర్గా పిలిచే ఈ సమస్యను అదుపులో ఉంచడానికి వైద్యులు సూచించే మాత్రలు ఎలాగూ ఉంటాయి. ఈ సమస్య తీవ్రత పెరగకుండా ఉండాలంటే… మన వంటింట్లో దొరికే పదార్థాలు కూడా కొన్ని తీసుకోవాలి. అవేంటంటే… వంశపారంపర్యం, అధిక కొలెస్ట్రాల్, మధుమేహం, మూత్రాశయ సమస్యలు, మానసిక ఒత్తిడి… ఇలా అనేక కారణాల వల్ల అధికరక్తపోటు సమస్య ఎదురవుతుంది. ఒకప్పుడు వయసు పెరిగేకొద్దీ రక్తపోటు సమస్య పెరిగేది. కానీ ఈ మధ్య కాలంలో జీవనవిధానంలో మార్పుల కారణంగా 30 ఏళ్లకే చాలామంది అధిక రక్తపోటు బారిన పడుతున్నారని అధ్యయనాలు చెబుతున్నాయి.
**ఏం చేయాలి…
రక్తపోటు పెరిగితే ఎలాంటి లక్షణాలు, సంకేతాలు వెంటనే కనిపించవు. అందుకే చాలామంది నిర్లక్ష్యం చేస్తుంటారు. అదే జరిగితే ఇతర సమస్యలు కూడా ఎదురవుతాయి. ఆహారం, ఔషధాలతో అధిక రక్తపోటును అదుపులో ఉంచుకోవాలి.
* నిత్యం తీసుకునే ఆహారంలో ఉప్పు తగ్గించాలి. ఉప్పు ఎక్కువగా ఉండే ఊరగాయలు, చిప్స్, అప్పడాలు, వడియాలు, నూనెలో వేయించిన చిరుతిళ్లు, అలాగే రసాయనాలు ఎక్కువగా ఉన్న పదార్థాలు, ప్రాసెస్ చేసినవి తీసుకోకూడదు.
* నిత్యం 40 నిమిషాలు నడవాలి. శవాసనంలో 10 నిమిషాలపాటు శరీరం, మనసుకు విశ్రాంతి ఇవ్వాలి. ఇలా చేస్తే అధిక రక్తపోటు అదుపులో ఉంటుంది. మందుల అవసరం కూడా తగ్గుతుంది. నాడీశుద్ధి ప్రాణాయామం, భ్రమరీ ప్రాణాయామం, ఓంకార సాధన నిత్యం చేస్తూంటే మానసిక ప్రశాంతత చేకూరుతుంది. తద్వారా రక్తపోటు అదుపులో ఉంటుంది. మానసిక ఒత్తిడి బాగా తగ్గించుకునే ప్రయత్నం చేయాలి.
* వెల్లుల్లి రక్తపోటు తగ్గించేందుకు తోడ్పడుతుంది. నిత్యం రెండు పచ్చి వెల్లుల్లి రెబ్బలను ఆహారంతో కలిపి తీసుకుంటే అధిక రక్తపోటు, కొలెస్ట్రాల్ సమస్య ఉండదు.
* కరివేపాకు, ధనియాలు వేయించి పొడి చేసుకుని ఉంచుకోవాలి. ప్రతీరోజూ వేడివేడి అన్నంలో ఈ పొడిని చెంచా కలిపి మొదటి ముద్దలో తినాలి.
* అశ్వగంధ చూర్ణం, చెంచాడు మీగడ తీసేసిన గోరు వెచ్చని పాలల్లో కలిపి రోజూ తీసుకుంటే ఆ సమస్య చాలామటుకూ అదుపులోకి వచ్చేస్తుంది.
* ఆహారంలో పచ్చి ఉల్లిపాయని నిత్యం వాడటం వల్ల ఆరోగ్యానికి ఎంతో మంచిది. సలాడ్లలో దీన్ని ఎక్కువగా తీసుకోవచ్చు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

UCPL-TNILIVE

© 2018 TNILIVE. All rights reserved. Write to us with suggestions, comments and questions - editor.tnilive@gmail.com