తిరుపతిని నెం.1 స్మార్ట్ సిటీ చేస్తా

ప్రముఖ పుణ్యక్షేత్రం తిరుపతిని దివ్యక్షేత్రంగానే కాకుండా మెడికల్‌, ఎడ్యుకేషన్‌ హబ్‌గా తీర్చిదిద్దుతామని ఏపీ ముఖ్యమంత్రి చంద్రబాబునాయుడు అన్నారు. తిరుపతిలోని నెహ్రూనగర్‌లో డిజిటల్‌ డోర్‌ నంబర్ల కార్యక్రమాన్ని చంద్రబాబు ప్రారంభించారు. అనంతరం నెహ్రూ మున్సిపల్‌ మైదానంలో జరిగిన బహిరంగ సభలో ప్రసంగించారు. తిరుపతిని నంబర్‌వన్‌ స్మార్ట్‌ సిటీగా మార్చేందుకు ఎంతో కృషి చేస్తున్నట్లు చంద్రబాబు తెలిపారు. అనేక జాతీయ రహదారులతో తిరుపతిని అనుసంధానం చేస్తామని చెప్పారు. తిరుపతిని అన్ని రకాలుగా అభివృద్ధి చేసింది ఒక్క తెదేపానేనని స్పష్టం చేశారు. ఇప్పటికే రాష్ట్రానికి సెల్‌కాన్‌, నిక్సాన్‌, రిలయన్స్‌ వంటి సంస్థలు వచ్చాయని.. దేశంలో 30 శాతం సెల్‌ఫోన్లు మన రాష్ట్రంలోనే తయారవుతున్నాయని వివరించారు. ఒకప్పుడు తాను టెక్నాలజీని ప్రోత్సహించానని.. ఇప్పుడు ప్రకృతిని ప్రోత్సహిస్తున్నానని సీఎం చెప్పారు. ప్రకృతి సేద్యం వల్ల ఆరోగ్యంతోపాటు పంట దిగుబడి లాభాలు కూడా పెరుగుతాయని వివరించారు. ఈ ఏడాది రాష్ట్రంలో 5 లక్షల మంది రైతులు ప్రకృతి సేద్యం చేస్తున్నారని పేర్కొన్నారు. రాష్ట్రంలో చేపట్టిన ముఖ్యమంత్రి యువనేస్తం పథకం ప్రపంచానికే ఆదర్శమన్నారు. నిరుద్యోగులకు, యువతకు అండగా ఉండాలనేదే ప్రభుత్వ లక్ష్యమని వివరించారు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com