హై టెన్షన్ కేసులపై తీర్పులు ఎటు వెళ్తాయి?

సుప్రీంకోర్టు ప్రధాన న్యాయమూర్తి జస్టిస్‌ దీపక్‌ మిశ్ర అక్టోబరు 2న పదవీ విరమణ చేయనున్నారు. ఈ వారం రోజుల వ్యవధిలో 8 కీలక కేసుల విచారణ తుదిఘట్టానికి చేరుకోనుంది. కేవలం ఏడు రోజుల వ్యవధిలోనే వీటిపై వెలువడే తీర్పులు దేశ రాజకీయాలతో పాటు ఆర్థిక రంగం, సమాజంపై ప్రభావం చూపించనున్నాయి. ఈ ధర్మాసనాల్లో న్యాయమూర్తులు కురియన్‌ జోసెఫ్‌, ఏకే సిక్రీ, ఆర్‌ ఎఫ్‌ నారిమన్‌, ఖాన్‌విల్కర్‌, చంద్రచూడ్‌, అశోక్‌భూషణ్‌, సంజయ్‌ కిషన్‌ కౌల్‌, అబ్దుల్‌ నజీర్‌, ఇందుమల్హొత్రాలు సభ్యులుగా ఉన్నారు.దీంతో యావత్‌ దేశం ఈ తీర్పులపై ఆసక్తిగా ఎదురుచూస్తోంది.

*** ఆధార్‌
విశిష్ట గుర్తింపు సంఖ్య ఆధార్‌ వ్యక్తిగత స్వేచ్ఛకు భంగం కలిగిస్తొందంటూ దీంతో ప్రాథమిక హక్కులకు భంగమన్న అంశంపై జరుగుతున్న విచారణ తుదిదశకు చేరుకుంది. అన్ని లావాదేవీలకు ఆధార్‌ తప్పనిసరి అని కేంద్రం ప్రకటించిన విషయం తెలిసిందే. ఈ తీర్పు పలు కేంద్రప్రభుత్వ పథకాలపై ప్రభావం చూపనుంది.ఇప్పటికే దేశంలోని దాదాపు 99 శాతం మంది పౌరులకు ఆధార్‌ కార్డుల జారీ పూర్తయింది. ఆధార్‌ను కేంద్రం ప్రతిష్టాత్మకంగా తీసుకున్న విషయం తెలిసిందే.

*** శబరిమల
శబరిమల అయ్యప్పస్వామి ఆలయంలోకి మహిళల ప్రవేశంపై ఉన్ననిషేధంపై తుదితీర్పును వెలువరించనున్నారు. రుతుక్రమం కలిగిన మహిళలు ఆలయంలోకి ప్రవేశించకుండా కేరళ హిందూ ప్రార్థనాచట్టం 1965 నిషేధిస్తోంది. దీనిని సవాల్‌ చేస్తూ వేసిన పిటిషన్‌ను సుప్రీం విచారించింది.

*** ఎస్సీ, ఎస్టీలకు పదోన్నతుల్లో రిజర్వేషన్లు
ప్రభుత్వ ఉద్యోగాల పదోన్నతుల్లో ఎస్సీ, ఎస్టీలకు రిజర్వేషన్లు ఉండాలని కేంద్ర నిర్ణయానికి వ్యతిరేకంగా కొందరు వేసిన పిటిషన్‌పై విచారణ జరుగుతోంది.

*** అయోధ్య
అయోధ్య వివాదంలో 2.77 ఎకరాల భూమికి సంబంధించిన అంశంపై ఐదుగురు న్యాయమూర్తుల ధర్మాసనం విచారణ జరుపుతోంది. గతంలో అలహాబాద్‌ హైకోర్టు రామ్‌లాలా, సున్నీ వక్ఫ్‌ బోర్డు, నిర్మోహి అఖాడాల మధ్య భూమిని పంచింది. దీనిపై కొన్ని ముస్లింసంఘాలు సుప్రీంలో అప్పీల్‌ చేశాయి.

*** నేరమయ రాజకీయాలు
ఒక నేరస్థుడు హత్య, అత్యాచారం లాంటి నేరాలకు పాల్పడి శిక్షకు గురైతే అతను లేదా ఆమెను ఎన్నికల్లో పోటీ చేయకుండా నిషేధం విధించవచ్చా? దీనిపై జరుగుతున్న విచారణ తుదిదశకు చేరుకుంది.

*** వివాహేతర సంబంధాలు..
వివాహేతర సంబంధాలకు సంబంధించి ఐపీసీ 497 సెక్షన్‌పై విచారణ జరిగింది. దీనికి సంబంధించిన తీర్పును రిజర్వ్‌లో ఉంచారు. వీటితో పాటు న్యాయవాదులుగా ఉన్నవారు చట్టసభలకు ఎన్నికయినప్పటికీ నాయ్యవాద వృత్తిలో కొనసాగుతుండటం, ఇటీవలే పౌరహక్కుల నాయకులను అదుపులోకి తీసుకోవడం.. తదితర అంశాలకు సంబంధించిన కేసులకు సంబంధించి కీలకమైన తీర్పులు వెలువడే అవకాశముంది.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

UCPL-TNILIVE

© 2018 TNILIVE. All rights reserved. Write to us with suggestions, comments and questions - editor.tnilive@gmail.com