ధైర్యానికి సలాం

‘మీటూ’కు మద్దతు తెలుపుతున్న వారి జాబితాలోకి నటి కాజల్‌ అగర్వాల్‌ కూడా చేరారు. తాము ఎదుర్కొన్న లైంగిక వేధింపుల గురించి బయటపెడుతున్న మహిళలకు తాను మద్దతిస్తానని అంటున్నారు. ఈ మేరకు ట్విటర్‌ వేదికగా ‘మీటూ’ ఉద్యమంపై తన అభిప్రాయాన్ని వెల్లడించారు. ‘మహిళల్ని హింసించే రాక్షసుల గురించి నోరు విప్పి చెప్పడానికి ఎంతో ధైర్యం కావాలి. తాము ఎదుర్కొన్న సమస్యల గురించి బయటపెడుతూ తమకు తామే మద్దతు తెలుపుకొంటున్న మహిళలందరినీ నేను ప్రోత్సహిస్తున్నాను. ఇప్పటివరకు తమ అభిప్రాయాలను వెల్లడించిన మహిళల పట్ల ఎలాంటి దారుణ ఘటనలు జరిగాయో నేను ఊహించలేను. మనం ఒకరికి ఒకరు సహకరించుకోవాలి. కష్టకాలంలో తోడుగా, నిజాయతీగా నిలవాలి. కేవలం పబ్లిసిటీ కోసమే నటీమణులు తమ వేధింపుల గురించి బయటపెడుతున్నారని అనుకునేవారందరికీ నేను ఒకటి చెప్పాలనుకుంటున్నాను. వారిని తక్కువ చేసి చూస్తూ.. ఇంకా బురద చల్లాలని చూడకండి.’ అని వెల్లడించారు కాజల్. ఇప్పటివరకు ‘మీటూ’ ఉద్యమానికి సినీ నటులు సమంత, అనుపమ పరమేశ్వరన్‌, ఐశ్వర్యరాయ్‌, కాజోల్‌, గాయని చిన్మయి శ్రీపాద తదితరులు మద్దతు ప్రకటించారు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com