బీసీసీఐలో లైంగిక వేధింపులు

దేశవ్యాప్తంగా సంచనలం సృష్టిస్తోన్న ‘మీటూ’ వివాదం తాజాగా బీసీసీఐను చేరింది. బీసీసీఐ సీఈవో రాహుల్‌ జోహ్రీ తనను వేధింపులకు గురి చేశాండంటూ ఓ పాత్రికేయురాలు ఆరోపించారు. ఈ ఆరోపణలకు సంబంధించిన మెయిళ్లను ఓ నెటిజన్‌ షేర్‌ చేశాడు. ‘మీడియాలో పనిచేసిన ఓ ప్రముఖ వ్యక్తి గురించి చాలా ఈమెయిళ్లను బాధితురాలు షేర్‌ చేసింది. కానీ, పేర్లు చెప్పడానికి ఇష్టపడలేదు. రాహుల్‌ జోహ్రీ నీకు సమయం వచ్చింది’ అంటూ ఆ నెటిజన్‌ ట్వీట్‌ చేశాడు. ఇక బాధితురాలు తెలిపిన మెయిళ్లలో ఉన్న వివరాల ప్రకారం… ‘రాహుల్‌ జోహ్రీ ప్రస్తుతం బీసీసీఐ సీఈవోగా ఉన్నారు. రాహుల్‌ నా మాజీ సహోద్యోగి. విధుల్లో భాగంగా మేం బయటికి వెళ్లినప్పుడు ఆయన నన్ను తాకడానికి ప్రయత్నించేవారు. ఎక్కడున్నావ్‌? కాఫీకి వెళ్దామా అంటూ ఫోన్లు చేసేవాడు. ఒకసారి ఓ కొత్త న్యూస్‌ ఛానల్‌ ప్రారంభోత్సవానికి నన్ను రమ్మని పిలిచాడు. నేను అందుకు నిరాకరించాను. ఆ మరుసటి రోజే నేను ఉద్యోగం రీత్యా ఇబ్బందుల్లో పడ్డాను. నాకు ఉద్యోగం చాలా అవసరం. అప్పటి నుంచి ఆయన పిలిచినప్పుడు ఎక్కడయికైనా వెళ్లాలంటే రానని చెప్పకుండా ఉండలేకపోయాను. కానీ, నేను నా హద్దుల్లో ఉండటం ఆయనకు నచ్చేది కాదు. నా పట్ల అసభ్యంగా ప్రవర్తించేవారు. ఓసారి నాతో వింతగా ప్రవర్తించేసరికి ఆయన మీద నేను గ్లాస్‌ విసిరేశాను. అయినా ఆయన ప్రవర్తన మారలేదు’ అంటూ బాధితురాలు తన ఆవేదన వ్యక్తం చేసింది. 2016 ఏప్రిల్‌లో రాహుల్‌ బీసీసీఐ సీఈవోగా నియమితులయ్యారు. బీసీసీఐలో చేరకముందు ఆయన డిస్కవరీ నెట్‌వర్క్స్‌ ఆసియా పసిఫిక్‌కు జనరల్‌ మేనేజర్‌, ఎక్జిక్యూటివ్ వైస్‌ ప్రెసిడెంట్‌గా పనిచేశారు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com