జోహ్రి మీద విచారణ

తాజాగా ‘మీటూ’ ఉచ్చులో చిక్కుకున్న బీసీసీఐ సీఈవో రాహుల్‌ జోహ్రీ మరింత కష్టాల్లో పడ్డారు.పేరు వెల్లడించని ఓ మహిళ తనను జోహ్రి లైంగికంగా వేధించినట్లు ఆరోపించిన విషయం తెలిసిందే. ఈ నేపథ్యంలో ఈ ఆరోపణలపై జోహ్రీ వివరణ ఇవ్వాలని పాలకమండలి ఆదేశించింది. వివరణ ఇస్తూ రాసిన నివేదికను వారం రోజుల్లో సమర్పించాలని కోరింది. ఆయన ఇచ్చే వివరణను బట్టి ఆయనపై చర్యలు ఉంటాయని పాలకమండలి స్పష్టం చేసింది. అయితే ఆరోపణలపై ఇంతవరకు జోహ్రీ స్పందించలేదు. ఫోన్ కాల్స్‌, సందేశాలకు ఆయన నుంచి ఎటువంటి స్పందనా రాలేదు.అతను బీసీసీఐ పదవి చేపట్టడానికి ముందు ఓ ఛానెల్లో పని చేసేటపుడు వేధింపులకు పాల్పడ్డాడనేది బాధితురాలి ఆరోపణ. తనతో పాటు ఇంకా ఎంతోమందిని జోహ్రి వేధించినట్లు ఆ మహిళ పేర్కొంది.జోహ్రి 2016లో బీసీసీఐ సీఈఓగా నియమితుడయ్యాడు. అంతకుముందు డిస్కవరీ నెట్‌వర్క్స్‌ సంస్థలో కీలక బాధ్యతలు నిర్వహించేవాడు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com