విజయవాడ వైకాపా ఎంపీ అభ్యర్ధిగా దాసరి జైరమేష్?–TNI ప్రత్యేకం

వచ్చే పార్లమెంట్ ఎన్నికల్లో విజయవాడ స్థానం నుండి బలమైన అభ్యర్ధిని రంగంలోకి దింపడానికి వైకాపా ప్రణాళికలు వేస్తుంది. పలువురు పారిశ్రామిక వేత్తల పేర్లు తెరపైకి వస్తున్నాయి. దీనిలో భాగంగా ప్రముఖ పారిశ్రామికవేత్త విజయ ఎలక్ట్రికల్స్ అధినేత దాసరి జైరమేష్ పేరు తాజాగా తెరపైకి వచ్చింది. తెలుగుదేశంపార్టీ పుట్టినప్పటి నుండి ఆపార్టీలో జైరమేష్ కీలకమైన వ్యక్తిగా ఉన్నారు. పార్టీ వ్యవస్థాపకుడు ఎన్టీ రామారావుకు అత్యంత సన్నిహితుడు. జైరమేష్ సంపాదించిన దాంట్లో చాలావరకు తెలుగుదేశం పార్టీకి విరాళాలను అందజేశారు. గత పదకొండు సంవత్సరాల నుండి తెలుగుదేశం రాజకీయాలకు జైరమేష్ దూరంగా ఉంటున్నారు. ముఖ్యమంత్రి చంద్రబాబుతో ఆయన భేటి అయిన సందర్భాలు గత నాలుగేళ్లలో అసలు లేవు. ఈనేపద్యంలో వైకపా నేతలు జైరమేష్ తో సంప్రదింపులు జరుపుతున్నట్లు సమాచారం. గతంలో జై రమేష్ విజయవాడ పార్లమెంట్ స్థానం నుండి తెలుగుదేశం అభ్యర్ధిగా పోటీ చేసి అప్పటి కాంగ్రెస్ అభ్యర్ధి పర్వతనేని ఉపెంద్రపై పరాజయం పాలయ్యారు. జైరమేష్ కు ఈ నియోజకవర్గంలోనే అన్ని మండలాల్లో పరిచయం ఉన్న వ్యక్తులు ఉన్నారు. జైరమేష్ సొంత నియోజకవర్గం గన్నవరంలోనూ ప్రస్తుత ఎమ్మెల్యే వంశీతో, దాసరి కుటుంబానికి పొసగడం లేదు రమేష్ సోదరుడు దాసరి బాలవర్ధనరావు కూడా తీవ్ర అసంతృప్తితో ఉన్నారు. విజయవాడ డైయిరీ చైర్మన్ పదవి ఇవ్వమని గత ఐదు సంవత్సరాల నుండి బాలవర్ధనరావు కోరుతున్నప్పటికీ ఆయన ప్రయత్నాలు ఫలించడం లేదు. ఈ పరిస్థితుల్లో జైరమేష్ విజయవాడ ఎంపీ స్థానం నుండి వైకాపా అభ్యర్ధిగా పోటీ చేసే విషయం పై సర్వే చేయిస్తున్నట్లు సమాచారం. ఇప్పటికే వైకాపా మైలవరంలో మంత్రి ఉమాకు దీటుగా వసంత కృష్ణప్రసాద్ ను రంగంలోకి దింపింది. కృష్ణప్రసాద్ తండ్రి మాజీ హోం మంత్రి వసంత నాగేశ్వరరావుతో జైరమేష్ కు సన్నిహిత సంబందాలు ఉన్నాయి. వసంత కుటుంబం నుండి కూడా జైరమేష్ ను వైకాపాలోకి తీసుకురావటానికి ప్రయత్నాలు జరుగుతున్నాయని సమాచారం. మరి కొద్ది రోజుల్లో ఈ విషయం పై స్పస్థత వచ్చే అవకాశం ఉంది.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com