ధోనికి ఉద్వాసన

అనూహ్యం. టీ20 క్రికెట్లో మహి ఇక మనకు టీమ్‌ఇండియా దుస్తుల్లో కనపడకపోవచ్చు! అవును.. ధోని టీ20 ఇన్నింగ్స్‌ దాదాపుగా ముగిసినట్లే! ఎమ్మెస్కే ప్రసాద్‌ నేతృత్వంలోని సెలక్షన్‌ కమిటీ అతడికి పొట్టి క్రికెట్‌ నుంచి ఉద్వాసన పలికింది. వెస్టిండీస్‌, ఆస్ట్రేలియాతో జరగాల్సిన మూడేసి మ్యాచ్‌ల టీ20 సిరీస్‌లకు ప్రకటించిన భారత జట్ల నుంచి అతణ్ని తప్పించింది. వికెట్‌కీపర్‌గా రిషబ్‌ పంత్‌ను ఎంపిక చేసింది. విండీస్‌తో మ్యాచ్‌లకు కోహ్లికి విశ్రాంతినిచ్చింది. అతడి గైర్హాజరీలో రోహిత్‌ జట్టుకు నాయకత్వం వహిస్తాడు. ఆస్ట్రేలియాతో నాలుగు టెస్టుల సిరీస్‌కు కూడా సెలక్షన్‌ కమిటీ జట్టును ఎంపిక చేసింది. మురళీ విజయ్‌ తిరిగి జట్టులోకి రాగా.. హనుమ విహారి స్థానాన్ని నిలబెట్టుకున్నాడు. ఒకప్పటి పదును కోల్పోయి, ఫామ్‌తో సతమతమవుతున్న మాజీ కెప్టెన్‌ మహేంద్ర సింగ్‌ ధోనీపై వేటు పడింది. వెస్టిండీస్‌, ఆస్ట్రేలియాలతో తలపడే 16 మంది సభ్యుల భారత టీ20 జట్ల నుంచి సెలక్షన్‌ కమిటీ అతణ్ని తొలగించింది. వన్డే ప్రపంచకప్‌లో ఆడాలనుకుంటున్న 37 ఏళ్ల ధోనీపై ఈ ని ర్ణ యం ఎలాంటి ప్రభావం చూపిస్తుందన్నది ఆసక్తికరం. భారత జట్టు ఇప్పటివరకు 104 అంతర్జాతీయ టీ20 మ్యాచ్‌లు ఆడగా.. 93 మ్యాచ్‌ల్లో ధోని ఉన్నాడు. అతడు 127 స్ట్రైక్‌రేట్‌తో 1487 పరుగులు చేశాడు. వికెట్‌ కీపర్లు రిషబ్‌ పంత్‌, దినేశ్‌ కార్తీక్‌ టీ20 జట్లలో ఉన్నారు. విండీస్‌తో మూడు మ్యాచ్‌ల సిరీస్‌కు సెలక్టర్లు కెప్టెన్‌ కోహ్లికి విశ్రాంతినిచ్చారు. అతడి స్థానంలో రోహిత్‌ శర్మ జట్టుకు నాయకత్వం వహించనున్నాడు. ఐతే ఆస్ట్రేలియా పర్యటనలో టెస్టు, టీ20 జట్లకు కోహ్లినే సారథిగా ఉంటాడు. ఇంగ్లాండ్‌లో విఫలమై టెస్టు జట్టులో స్థానం కోల్పోయిన మురళీ విజయ్‌ తిరిగి ఆసీస్‌తో టెస్టులకు ఎంపికయ్యాడు. హనుమ విహారికి మరో అవకాశం దక్కింది. వికెట్‌కీపర్‌ పార్థివ్‌ పటేల్‌ టెస్టు పునరాగమనం చేశాడు. నవంబరు 21న ఆరంభమయ్యే ఆస్ట్రేలియా పర్యటనలో భారత్‌ 3 టీ20లు, 4 టెస్టులు, 3 వన్డేలు ఆడనుంది.

వెస్టిండీస్‌తో టీ20 సిరీస్‌కు: రోహిత్‌ (కెప్టెన్‌), ధావన్‌, రాహుల్‌, దినేశ్‌ కార్తీక్‌, మనీష్‌ పాండే, శ్రేయస్‌ అయ్యర్‌, రిషబ్‌ పంత్‌ (వికెట్‌కీపర్‌), కృనాల్‌ పాండ్య, వాషింగ్టన్‌ సుందర్‌, చాహల్‌, కుల్‌దీప్‌ యాదవ్‌, భువనేశ్వర్‌, బుమ్రా, ఖలీల్‌ అహ్మద్‌, ఉమేశ్‌ యాదవ్‌, షాబాజ్‌ నదీమ్‌.

ఆస్ట్రేలియాతో టెస్టులకు: కోహ్లి (కెప్టెన్‌), విజయ్‌, రాహుల్‌, పృథ్వీ షా, పుజారా, రహానె, విహారి, రోహిత్‌, పంత్‌, పార్థివ్‌ పటేల్‌, అశ్విన్‌, జడేజా, కుల్‌దీప్‌ యాదవ్‌, షమి, ఇషాంత్‌ శర్మ, ఉమేశ్‌ యాదవ్‌, బుమ్రా, భువనేశ్వర్‌.
ఆస్ట్రేలియాతో టీ20 సిరీస్‌కు: కోహ్లి (కెప్టెన్‌), రోహిత్‌, ధావన్‌, రాహుల్‌, శ్రేయస్‌ అయ్యర్‌, మనీష్‌ పాండే, దినేశ్‌ కార్తీక్‌, రిషబ్‌ పంత్‌ (వికెట్‌కీపర్‌), కుల్‌దీప్‌, చాహల్‌, వాషింగ్టన్‌ సుందర్‌, కృనాల్‌ పాండ్య, భువనేశ్వర్‌, బుమ్రా, ఉమేశ్‌, ఖలీల్‌ అహ్మద్‌.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com