రాజ్యసభ సభ్యులు జోగినపల్లి సంతోష్ కుమార్ తలపెట్టిన “కోటి వృక్షార్చన” గ్రీన్ ఇండియా చాలెంజ్‌ లో భాగంగా కేసీఆర్ 67 వ జన్మదిన సందర్బంగా బహరేన్ లో ఎన్నారై తెరాస శ్రేణులు మూడు మొక్కలు నాటారు. ఈ సందర్భంగా ప్రెసిడెంట్ రాధారపు సతీష్ కుమార్ మాట్లాడారు. నాడు కేసీఆర్ టీఆర్ఎస్ పార్టీ పెట్టి.. రాష్ట్రాన్ని కొట్లాడి తెచ్చిన విషయాన్ని గుర్తు చేశారు. తెలంగాణ రాష్ట్ర తొలి ముఖ్యమంత్రిగా ఏడున్నర ఏండ్లుగా పలు అభివృద్ధి సంక్షేమ కార్యక్రమాలతో అన్ని వర్గాల ప్రజల అభివృద్ధికై ఆహార్నిశలు కష్టపడుతున్నారని తెలిపారు. రాష్ట్రాన్ని అభివృద్ధి పథంలోకి నడిపిస్తున్న ముఖ్యమంత్రి కేసీఆర్ ప్రవేశ పెట్టిన ప్రభుత్వ పథకాలు ఇవాళ దేశానికే తలమానికంగా నిలిచాయని కొనియాడారు. ఆయన నిండు నూరేండ్లు చల్లగా ఉండాలని కోరుకున్నారు.
