బాలీవుడ్ నటి కంగన రనౌత్ కొత్త అవతారం ఎత్తనుంది. ప్రస్తుతం వరుస సినిమాలతో బిజీగా ఉన్న ఆమె త్వరలోనే వ్యాపారవేత్తగా మారనుంది. హిమాచల్ప్రదేశ్లోని తన స్వస్థలమైన మనాలిలో ఆమె ఒక కేఫ్, రెస్టారంట్ ప్రారంభించనుంది. ఈ విషయాన్ని తన ట్విటర్ ఖాతా ద్వారా అభిమానులతో పంచుకుందామె. అంతేకాదు.. దీన్ని తన డ్రీమ్ వెంచర్ అని చెప్పుకొచ్చింది. కొత్త వ్యాపారానికి సంబంధించి తన బృందంతో చర్చిస్తున్నప్పటి ఫొటోలను కూడా పంచుకుందామె.
