తానా 2021-23 కార్యనిర్వాహక ఉపాధ్యక్ష పదవికి బరిలో డా.నరేన్ కొడాలి ఈ వారాంతం అమెరికా తూర్పు ప్రాంతంలో సుడిగాలి పర్యటన జరపనున్నారు. నేడు బోస్టన్‌లో పర్యటించిన అనంతరం, శనివారం కనెక్టికట్, న్యూయార్క్, ఆదివారం న్యూజెర్సీలో పర్యటిస్తామని నరేన్ తెలిపారు. ఆయా ప్రాంతాల్లోని ప్యానెల్ సభ్యులతో తాము సమన్వయం చేసుకుని స్థానిక ప్రవాసులకు తమ ఎన్నికల ప్రచార వాణి వినిపించి గెలుపుకు ప్రయత్నిస్తామని నరేన్ అన్నారు. నరేన్ ఇటీవలే నార్త్ కరోలినాలో పర్యటించి అక్కడి ప్రవాసులను కలుసుకున్నారు. వారి మద్దతును అభ్యర్థిస్తున్నారు.
