తానా 2021 ఎన్నికల్లో అధ్యక్ష అభ్యర్థుల ప్యానెళ్లు అమెరికావ్యాప్తంగా ముమ్మరంగా ప్రచారం చేస్తున్నారు. ఈ నేపథ్యంలో అధ్యక్ష అభ్యర్థుల్లో ఒకరైన డా.కొడాలి నరేన్ ఆదివారం రాత్రి పెన్సిల్వేనియా రాష్ట్రంలోని హారిస్‌బర్గ్ ప్రవాసులతో సమావేశమయి తన గళాన్ని వినిపించారు. వసుదైక కుటుంబం(Inclusiveness) అనే నినాదంతో తాము ఈ ఎన్నికల్లో ముందడుగు వేస్తున్నామని, తన అభ్యర్థిత్వంతో పాటు తమ ప్యానెల్ సభ్యులను కూడా తానా ఓటర్లు గెలిపించవల్సిందిగా ఆయన అభ్యర్థించారు. ఈ కార్యక్రమంలో ఆయనతో పాటు పొట్లూరి రవి, మందలపు రవి తదితరులు పాల్గొన్నారు.
#############
