పాపం స్మృతి

న్యూజిలాండ్‌తో జరుగుతున్న టీ20 సిరీస్‌ తొలి మ్యాచ్‌లో భారత మహిళల జట్టు ఓటమిపాలైంది. ఈ మ్యాచ్‌లో తొలుత బ్యాటింగ్‌ చేసిన కివీస్‌ జట్టు 160 పరుగుల లక్ష్యాన్ని నిర్దేశించగా.. ఛేదనకు దిగిన హర్మన్‌ప్రీత్‌ సేన 136 పరుగులకే కుప్పకూలింది. ఓపెనర్‌ స్మృతి మంధాన అర్ధశతకంతో రాణించినప్పటికీ మిగతా బ్యాట్స్‌విమెన్‌ పెద్దగా ఆకట్టుకోలేకపోయారు.ఈ మ్యాచ్‌లో టాస్‌ గెలిచిన భారత జట్టు న్యూజిలాండ్‌ను బ్యాటింగ్‌ను ఆహ్వానించింది. నిర్దేశిత 20 ఓవర్లలో కివీస్‌ జట్టు 4 వికెట్లు కోల్పోయి 159 పరుగులు సాధించింది. సోఫీ డివైన్‌(62) అర్ధశతకంతో రాణించింది. అరుంధతి రెడ్డి, రాధా యాదవ్‌, దీప్తీ శర్మ, పూనమ్‌ యాదవ్‌ ఒక్కో వికెట్‌ తీశారు. ఆ తర్వాత ఛేదనకు దిగిన హర్మన్‌ప్రీత్‌ సేన ఆదిలోనే తడబడింది. తొలి ఓవర్‌లోనే ఓపెనర్‌ ప్రియా పునియా ఔటయ్యింది. ఆ తర్వాత క్రీజులోకి వచ్చిన జెమిమా రొడ్రిగస్‌తో కలిసి ఓపెనర్‌ స్మృతి మంధాన ఇన్నింగ్స్‌ను చక్కదిద్దారు. ఈ క్రమంలో స్మృతి అర్ధ శతకం నమోదుచేసింది. అయితే 12వ ఓవర్‌లో స్మృతి, 13వ ఓవర్‌లో జెమిమా ఔట్‌ అవడంతో భారత జట్టు కష్టాల్లో పడింది. ఆ తర్వాత వచ్చిన బ్యాట్స్‌విమెన్‌ ఎవరూ క్రీజులో కుదురుకోలేకపోయారు.దీంతో ఇంకా ఐదు బంతులు మిగిలి ఉండగానే భారత జట్టు 136 పరుగులకు ఆలౌట్‌ అయ్యింది. దీంతో మూడు మ్యాచ్‌ల టీ20 సిరీస్‌లో న్యూజిలాండ్‌ జట్టు 1-0తో ఆధిక్యంలోకి వచ్చింది.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

UCPL-TNILIVE

© 2018 TNILIVE. All rights reserved. Write to us with suggestions, comments and questions - editor.tnilive@gmail.com