నువ్వు అడిగితే నేను వద్దంటానా?

ఉత్తర కొరియా అధినేత కిమ్‌ అడిగిన దానికి ట్రంప్‌ ఓకే చేశారా..? తాజా పరిస్థితులు చూస్తే అలానే అనిపిస్తోంది. తాను ఉత్తరకొరియా అధినేత కిమ్‌తో హనోయ్‌లో భేటీ కానున్నట్లు శుక్రవారం ఆయన ట్వీట్‌లో వెల్లడించారు. ‘ఈ సారి ఉత్తర కొరియా సరికొత్త రాక్‌ట్‌గా మారనుంది. అది ఆర్థిక రంగంలో’ అని ట్రంప్‌ ట్వీట్‌లో పేర్కన్నారు. ఫలితాలు సాధించేలా చర్చలు ఉంటాయని వెల్లడించారు. కిమ్‌తో భేటీ వియత్నాంలో జరుగుతుందని ఇటీవల జరిగిన స్టేట్‌ ఆఫ్‌ ది యూనియన్‌లో ట్రంప్‌ వెల్లడించారు. ట్రంప్‌ వియత్నాంను ఎన్నుకోవడం వెనుక ఆసక్తికరమైన కారణాలు ఉన్నాయి. కానీ వేదికను ఆయన ప్రకటించలేదు. అప్పటికి ఇంకా వేదికపై ఒక నిర్ణయానికి రాలేదు. తొలుత అమెరికా వియత్నాంలోని తీరప్రాంత నగరమైన డనాంగ్‌కు తొలి ప్రాధాన్యం ఇచ్చింది. 1965 వియత్నాం యుద్ధ సమయంలో అమెరికా సైన్యం ఇక్కడే అడుగు పెట్టింది. రెండేళ్ల క్రితం ట్రంప్‌ రీజనల్‌ ఎకనమిక్‌ సమిట్‌ కోసం ఇక్కడకు వచ్చారు కూడా. దీంతో ఈ ప్రాంతంపై అమెరికా భద్రతా సిబ్బందికి మంచి అవగాహన ఏర్పడింది. దీంతో ఈ నగరానికి ప్రాధాన్యం ఇచ్చింది. కానీ కిమ్‌ బృందం మరోకటి తలచింది. వియత్నాం రాజధాని హనోయ్‌లో భేటీ ఏర్పాటు చేయడానికి ప్రాధాన్యం ఇచ్చింది. ఈ మేరకు అమెరికాకు తన అభిప్రాయాన్ని వెల్లడించింది. దీనికి ట్రంప్‌ కూడా ఓకే అన్నారు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

UCPL-TNILIVE

© 2018 TNILIVE. All rights reserved. Write to us with suggestions, comments and questions - editor.tnilive@gmail.com