ఆయన సీనియార్టీతో ప్రజలకు వచ్చిన లాభం ఏమి లేదు

ప్రధానమంత్రి నరేంద్రమోదీ ఏపీ సీఎం చంద్రబాబునాయుడి పనితీరును తీవ్ర విమర్శలతో ఉతికి ఆరేశారు.

ఎన్డీయే కూటమి నుంచి బాబు బయటకు వచ్చిన అనంతరం ప్రధాని మొదటిసారిగా ఇవాళ ఏపీ పర్యటనకు విచ్చేశారు.

గుంటూరు వేదికగా చమురు నిల్వలకు సంబంధించి మూడు కేంద్ర ప్రభుత్వ ప్రాజెక్టులకు ప్రధానమంత్రి నేడు శ్రీకారం చుట్టారు.

అనంతరం ఏర్పాటు చేసిన బహిరంగ సభలో ప్రధాని పాల్గొని ప్రసంగించారు.

సభ ద్వారా ప్రధాని మోదీ చంద్రబాబును డైరెక్ట్‌గా టార్గెట్‌ చేశారు.

అమరావతి నిర్మాణం అంటూ కూలిపోయిన తన పార్టీ నిర్మాణంలో బాబు ఉన్నారన్నారు.

రాష్ర్టాన్ని అభివృద్ధి చేయడం మాని తన కొడుకును రాజకీయంగా నిలబెట్టే పనిలో పడ్డారన్నారు. చంద్రబాబు గతాన్ని మర్చిపోయి మాట్లాడుతున్నారు.

ఎన్టీఆర్‌ వారసుడిగా చెప్పుకున్న వ్యక్తి ఎన్టీఆర్‌ కలలను ధ్వంసం చేశారు.

ఎన్టీఆర్‌ స్ఫూర్తిని నీరుగారుస్తూ కాంగ్రెస్‌తో జతకట్టారన్నారు.

ఎన్టీఆర్‌ను అవమానించిన కాంగ్రెస్‌తో బాబు కలిసి నడుస్తున్నారు.

కేంద్ర పథకాలకు చంద్రబాబు స్టిక్కర్‌ అంటించుకొని ప్రచారం చేసుకుంటున్నారని పేర్కొన్నారు.

మహాకూటమి ఒక అపవిత్ర కలయిక అన్నారు. 

సీనియర్‌గా ఏం సాధించారో తెలియదు..నాకంటే సీనియర్‌నని చంద్రబాబు పదే పదే చెప్పుకుంటుంటారు.

తన సీనియార్టీతో ఆయన ఏం సాధించారో అర్థం కావడం లేదన్నారు.

పొత్తులు, కూటములు మార్చడంలో చంద్రబాబు సీనియర్‌ అన్నారు.

ఏపీ ప్రజల స్వప్నాలు ధ్వంసం చేయడంలో సీనియర్‌.

ఒక ఎన్నికల తర్వాత మరో ఎన్నికల్లో ఓడిపోవడంలోనూ బాబు సీనియర్‌ అని ఎద్దేవ చేశారు.

తాను సీనియర్‌ను కాబట్టే ఏపీకి ఏమీ తక్కువ చేయలేదని ప్రధాని తెలిపారు.

రాష్ర్టాభివృద్ధిని పక్కనబెట్టి తనను తిట్టడమే బాబు పనిగా పెట్టుకున్నారన్నారు.

ప్రజల సంక్షేమం కోసం ఇచ్చిన మాటను తప్పితే మాత్రం.. దేశ ప్రజల సేవకుడిగా తాను చంద్రబాబును కచ్చితంగా ప్రశ్నిస్తానన్నారు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

UCPL-TNILIVE

© 2018 TNILIVE. All rights reserved. Write to us with suggestions, comments and questions - editor.tnilive@gmail.com