తానా 2021 ఎన్నికల్లో మహిళామణుల సంఖ్య తక్కువే అయినప్పటికీ సంస్థ ఉనికిని ప్రభావితం చేయగలిగే వారిలో ఉన్న కొద్దిమంది మాంచి గట్టివారేనని ఒప్పుకోక తప్పదు. 2021 తానా ఎన్నికల్లో ఏకగ్రీవంగా ఎన్నికయిన న్యూజెర్సీకి తానా వెటరన్ లేడీ ఫైర్ బ్రాండ్ దేవినేని లక్ష్మీ నిరంజన్ ప్యానెల్ నుండి సాంస్కృతిక సేవల సమన్వయకర్తగా బరిలో ఉన్న తూనుగుంట్ల శిరీషకు మద్దతు తెలిపారు. శిరీష లాంటి నిబద్ధత కలిగిన సేవకురాలు తానాకు ప్రస్తుత సమయంలో చాలా అవసరమని అమెరికాలో ఒకే ప్రాంతానికి చెందిన తమకు పరస్పర బలాబలాలపై పూర్తి అవగాహన ఉందని అందుకే ఆమె అభ్యర్థిత్వాన్ని తాను బలపరుస్తున్నట్లు సామాజిక మాధ్యమాల ద్వారా లక్ష్మీ పేర్కొన్నారు. 2021 ఎన్నికల్లో దేవినేని లక్ష్మీ తానా BODకు డోనర్ విభాగంలో ఏకగ్రీవంగా ఎన్నికయ్యారు. ఆమె ప్రస్తుతం నిరంజన్ ప్యానెల్‌కు చెందిన శిరీషకు మద్దతు తెలపడం ప్రవాసుల్లో చర్చనీయాంశమైంది.
##########
