తానా బ్యాలెట్లు అమెరికా అంతటా సభ్యులకు నేడు రేపు అందనున్న నేపథ్యంలో అధ్యక్ష అభ్యర్థులుగా బరిలో ఉన్న కొడాలి నరేన్, నిరంజన్ శృంగవరపు ప్యానెళ్లు తానా ఫౌండేషన్‌పై వరాల జల్లు కురిపించాయి.
తానా ఫౌండేషన్‌కు ఇప్పటికే 2021-23 మధ్య సామాజిక,విద్యా సేవా కార్యక్రమాల నిమిత్తం $70వేలు అందజేశామంటున్న నరేన్ బృందం, తాజాగా కరోనా రెండో దెబ్బకు విలవిలలాడుతున్న ఇండియాలో మరిన్ని సేవా కార్యక్రమాల నిర్వహణ నిమిత్తం ₹కోటి రూపాయలను సమీకరిస్తామని పేర్కొంది.
కోవిద్ మొదటిదశ సేవా కార్యక్రమాలకు లక్ష డాలర్లు ఇచ్చామంటున్న నిరంజన్ ప్యానెల్, అదే కాలంలో ₹3కోట్లతో తానా ఫౌండేషన్ ద్వారా 15 స్వచ్ఛంద సంస్థల సమన్వయంతో లక్ష కుటుంబాలకు నిత్యావసరాల కిట్లు, 3లక్షల మందికి భోజనాలు, 6లక్షల మాస్కులను పంపిణీ చేశామని ప్రకటించింది. దీనితో పాటు రెండో దశ కరోనాను ఢీకొట్టే ప్రణాళికలో భాగంగా మరో లక్ష డాలర్లను సమీకరించి తానా ఫౌండేషన్‌కు అందజేస్తామని పేర్కొంది.
############
