గుంటూరు జిల్లా తెనాలికి చెందిన సూర్య శిల్పశాలకు అంతర్జాతీయ గుర్తింపు దక్కింది. ఇనుప వ్యర్థాలు, నట్లుతో ఇక్కడ రూపొందించిన భారీ విగ్రహాలకు ‘అమెరికా బుక్‌ ఆఫ్‌ రికార్డ్స్‌’లో స్థానం దక్కిందని శిల్పులు కాటూరి వెంకటేశ్వరరావు, రవిచంద్ర శనివారం తెలిపారు. ఈ మేరకు తమకు ధ్రువపత్రం అందిందని చెప్పారు. దాదాపు 75 వేల నట్లతో రూపొందించిన గాంధీజీ ప్రతిమతో పాటు దాదాపు 100 టన్నుల ఇనుప ముక్కలతో తయారైన ఇతర కళాఖండాలను ప్రత్యేకంగా ప్రస్తావించారని పేర్కొన్నారు.
