విలన్‌గా గుర్తింపు తెచ్చుకున్న నటుడు సోనూసూద్‌ ఈసారి హీరోగా ‘ఫతేహ్‌’ అనే బాలీవుడ్‌ యాక్షన్‌ థ్రిల్లర్‌ చిత్రంతో ప్రేక్షకుల ముందుకు రానున్నారు. ఇదే విషయాన్ని గురువారం ఇన్‌స్టాగ్రామ్‌లో పంచుకున్నారు. ‘‘ ఇండియాలో దాగి ఉన్న ఓ శత్రువుపై చేస్తున్న వన్‌ మ్యాన్‌ పోరాటమే ‘ఫతేహ్‌’. 2022 ఏడాదిని మరింత యాక్షన్‌తో స్వాగతిస్తున్నా. ఈ కథ నాలో ఆసక్తిని రేకెత్తించింది. స్క్రిప్ట్ చదివిన వెంటనే, ఇందులో భాగం కావాలని కోరుకున్నా. ఆలోజింపజేసే ఈ కథను అందరి దృష్టికి తీసుకురావడం ఆనందంగా ఉంది’’ అంటూ చిత్ర పోస్టర్స్‌ని విడుదల చేశారు. బాలీవుడ్‌లో వచ్చిన ‘బాజీరావ్‌ మస్తానీ’, ‘పద్మావత్‌’ చిత్రాలకు అస్టిస్టెంట్‌, అసోసియేట్‌ డైరెక్టర్‌గా పనిచేసిన అభినందన్‌ గుప్తా.. ఈ చిత్రంతో దర్శకుడిగా మారనున్నారు జీ స్టూడియోస్‌, శక్తిసాగర్‌ ప్రొడక్షన్స్‌, ఫర్హాద్‌ సంజీ సంయుక్తంగా నిర్మిస్తున్నారు. ఇక సోనూ తెలుగులో చిరంజీవి-రామ్‌చరణ్‌ ‘ఆచార్య’, తమిళ్‌ చిత్రం విజయ్‌ ఆంథోని ‘తమిళరసాన్‌’ హిందీలో అక్షయ్‌ కుమార్‌ ‘పృథ్వీరాజ్‌’ చిత్రాల్లో కనిపించనున్నారు. ఇవన్నీ వచ్చే ఏడాదే విడుదలకానున్నాయి.
