అమెరికాలోని ప్రముఖ తెలుగు సంఘం (నాటా) ఒక అడుగు మందుకు వేసింది. నార్త్ అమెరికన్ తెలుగు అసోసియేషన్ (నాటా) వ్యవస్థాపకుడు , ప్రముఖ వైద్యుడు డా.ప్రేమ సాగర్ రెడ్డి పేరుమీదుగా న్యూజెర్సీలో నాటా భవనాన్ని నిర్మిస్తున్నట్లు నిర్వాహకులు ప్రకటించారు. ఈ భవనాన్ని న్యూజెర్సీలో నిర్మించడం కోసం తొమ్మిది మందితో ఒక కమిటీని ఏర్పాటు చేసినట్లు నాటా బోర్డు ప్రకటించింది. భవన నిర్మాణ కమిటీకి అధ్యక్షుడిగా డా .గోశాల రాఘవరెడ్డి, కార్యదర్శిగా ఆళ్ళ రామిరెడ్డి, కోశాధికారిగా గండ్ర నారాయణరెడ్డి, సభ్యులుగా కురసపాటి శ్రీధర్ రెడ్డి, సోమవరపు శ్రీనివాస్, వేల్కుర్ హరి, పెనుమాడ శ్రీకాంత్, మందపాటి శరత్, నరాల సతీష్ లను సభ్యులుగా నియమిస్తూ నాటా బోర్డు ప్రకటించింది. త్వరలోనే న్యూజెర్సీలో భవన నిర్మాణాన్ని ప్రారంభించనున్నారు.
