బీఆర్‌ఎస్‌ రజతోత్సవ వేడుకలకు సిద్ధమవుతున్న డల్లాస్

బీఆర్‌ఎస్‌ పార్టీ 25ఏళ్ల ప్రస్థానాన్ని పురస్కరించుకొని జూన్ 1న అమెరికాలోని డల్లాస్ నగరంలోని Dr Pepper Arena వేదికగా రజతోత్సవ వేడుకలు ఘనంగా నిర్వహిస్తున్నట్లు బీఆర్‌ఎస్‌ గ్లోబల్ ఎన్ఆర్ఐ కోఆర్డినేటర్ మహేష్ బిగాల తెలిపారు.

ఈ సందర్భంగా డల్లాస్ నగరాన్ని మహేష్ బిగాల, యూఎస్ఏ అడ్వైజరీ బోర్డు చైర్మన్ తన్నీరు మహేష్, స్థానిక బీఆర్‌ఎస్‌ నేతలు, అభిమానులు సందర్శించి Dr Pepper Arena కామెరికా సెంటర్లో ఏర్పాట్లను పర్యవేక్షించారు. ఈ వేడుకలో ముఖ్య అతిథిగా బీఆర్‌ఎస్‌ వర్కింగ్ ప్రెసిడెంట్ కల్వకుంటల తారక రామారావు (కేటీఆర్) హాజరవుతారని మహేష్ బిగాల వెల్లడించారు. ఇది ఓ వేడుకే కాకుండా, తెలంగాణ ఉద్యమ ఆత్మను ప్రపంచానికి వినిపించే గొప్ప వేదికగా మారుతుందని నిర్వాహకులు అన్నారు. ఉత్సవాల్లో భాగంగా తెలంగాణ సాంస్కృతిక కళాపరిషత్‌ ఆధ్వర్యంలో సాంస్కృతిక కార్యక్రమాలు అలరించనున్నాయి.

బీఆర్‌ఎస్ యూఎస్ఏ అడ్వైజరీ బోర్డు చైర్మన్ తన్నీరు మహేష్ మాట్లాడుతూ — అమెరికాలోని వివిధ రాష్ట్రాల బీఆర్‌ఎస్ మద్దతుదారులు, అనుబంధ సంఘాలు ఈ కార్యక్రమాన్ని సమన్వయపరుస్తున్నాయని తెలిపారు. అమెరికాలో బీఆర్‌ఎస్‌ చరిత్రలో మైలురాయిగా నిలిచే వేడుక అవుతుందని అన్నారు. శ్రీనివాస్ శురభి, హరీష్ రెడ్డి, శ్రీనివాస్ సురకంటి తదితరులు పాల్గొన్నారు.

Register for NATS 8th America Telugu Sambaralu in Tampa Florida - www.sambaralu.org

Tags-BRS Dallas 25th Anniversary In Dr Pepper Arena Review

bodyimages:

JOIN OUR WHATSAPP CHANNEL FOR MORE UPDATES