ఆల్ఫరెట్టాలో గ్లోబల్ తెలంగాణా సంఘం అంతర్జాతీయ ఉత్సవం

అట్లాంటా పరిసర ప్రాంతమైన అల్ఫారెట్టా నగరంలోని ఫౌలర్ పార్క్‌లో గ్లోబల్ తెలంగాణా సంగహం ఆధ్వర్యంలో ఇంటర్నేషనల్ ఫెస్ట్ 2026 ఘనంగా నిర్వహించారు. వివిధ సంస్కృతులు, కళారూపాలు, చిన్న వ్యాపారాలు, స్వచ్ఛంద సంస్థలు ఒకే వేదికపై కలిసేలా ఈ కార్యక్రమాన్ని నిర్వహించారు. ప్రవాస భారతీయులు పెద్ద సంఖ్యలో పాల్గొని కార్యక్రమాలను ఆస్వాదించారు. భజన్ క్లబ్బింగ్ ప్రదర్శనతో పాటు అమెరికన్ బ్యాండ్ క్రేజీ మ్యాడ్ రైడ్ సంగీత ప్రదర్శన ఆకట్టుకుంది. నేషనల్ బ్రెస్ట్ క్యాన్సర్ ఫౌండేషన్ భాగస్వామ్యంతో అవగాహన కార్యక్రమం ఏర్పాటు చేశారు.

ఈ ఉత్సవానికి సంఘ జాతీయ అధ్యక్షుడు బాపు రెడ్డి కేతిరెడ్డి నేతృత్వం వహించగా, డాక్టర్ నందిని సుంకిరెడ్డి, అరుణ్ దర్పల్లి సమన్వయపరిచారు. అపర్ణ పింగ్లే, సంతోష్ గడ్డం, అరవింద్ కట్టా, ప్రసాద్ కాశీనాధుని, పల్లవి శివ, శిల్పా సరపు, బిందియా రమేష్, అర్చిషా దర్పల్లి, దీక్ష సుబ్బగారి, ఉమా మురళీధర్, ఒలివియా, గౌరీ శంకర్, సంకేత్ దివ్వేద, రోహిత్ చెప్యాల, నరేందర్ నల్లా, అనంత్ జోషి, విక్రమ్ అల్లాల, కల్యాణ్ యెర్రనాగు, దామోదర్ గజెల్లి సహకరించారు.