లండన్‌..వైభవంగా క్రొయ్దన్ తెలుగు సంఘం బతుకమ్మ-దసరా

క్రొయ్దన్ తెలుగు అసోసియేషన్ ఆధ్వర్యంలో బతుకమ్మ, దసరా వేడుకలు ఘనంగా నిర్వహించారు. రిడ్డ్లెస్‌డౌన్ కాలేజియేట్‌లో జరిగిన ఈ కార్యక్రమానికి పెద్ద సంఖ్యలో ప్రవాసులు హాజరయ్యారు. సాంప్రదాయ దుస్తుల్లో మహిళలు, యువతులు వేడుకలకు ప్రత్యేక ఆకర్షణగా నిలిచారు. పూలతో అలంకరించిన రంగురంగుల బతుకమ్మలు చూపరులను ఆకట్టుకున్నాయి. గౌరీదేవికి, ప్రకృతి మాతకు సమర్పణగా అందంగా పేర్చిన బతుకమ్మల చుట్టూ మహిళలు సంప్రదాయ పాటలు పాడి, నృత్యాలు చేశారు. పసందైన తెలుగు వంటకాలతో భోజన ఏర్పాట్లు చేశారు. కమిటీ సభ్యులు సాయి ప్రకాష్, వెంకట్, ప్రవీణ్, మట్టారెడ్డి, చిరంజీవి, శాంతి, వాలంటీర్లు సహకరించారు.